దేశంలో మరో వ్యాధి కలకలం.. ఈసారీ కేరళలోనే..

African Swine Fever: దేశంలో మరో కొత్త వ్యాధి కలకలం రేపింది. కేరళలోని రెండు పందుల పెంపక శాలల్లో ఆఫ్రికన్​ స్వైన్​ ఫీవర్ కేసులు నమోదైనట్లు అధికారులు తెలిపారు.

African Swine Fever: భారత్​లో మరో కొత్త వ్యాధి కలకలం రేపింది. కేరళ వాయనాడ్ జిల్లా మనంతవాడి వద్ద రెండు పందుల పెంపక కేంద్రాల్లో ఆఫ్రికన్ స్వైన్ ఫీవర్ కేసులు నమోదయ్యాయి. భోపాల్‌లోని నేషనల్ ఇనిస్టిట్యూట్ ఆఫ్ హై సెక్యూరిటీ యానిమల్ డిసీజెస్‌కు శాంపిల్స్‌ను పంపగా.. పందులకు ఈ వ్యాధి సోకినట్లు నిర్ధరణ అయిందని అధికారులు తెలిపారు.

''ఒకే ఫాంలోని పందులు ఎక్కువగా చనిపోవడం వల్ల శాంపిళ్లను పరీక్షల నిమిత్తం భోపాల్ ల్యాబ్​కు పంపాం. ఆఫ్రికన్ స్వైన్ వ్యాధి నిర్ధరణ అయింది. వ్యాధి వ్యాప్తి చెందకుండా తగిన చర్యలు తీసుకుంటున్నాం. ఫాంలోని 300 పందులను చంపాలని ఆదేశాలు ఇచ్చాం.

- పశు సంవర్ధకశాఖ అదికారులు

ఆఫ్రికన్ స్వైన్​ ఫీవర్ అత్యంత ప్రమాదకరమైన అంటువ్యాధి. ఈ వ్యాధి పందులకు సోకడం వల్ల అవి మరణిస్తాయి. పందుల నుంచి మనుషులకు సోకే అవకాశం లేదని నిపుణులు చెబుతున్నారు. ఈ వ్యాధికి ఇప్పటివరకు టీకా అందుబాటులోకి రాలేదు. అంతకుముందు కేరళలోనే కొన్ని రోజుల క్రితం మంకీపాక్స్ కేసు వెలుగుచూసింది. అలాగే కొవిడ్, స్వైన్​ప్లూ వంటి వ్యాధులు కూడా కేరళలోనే తొలుత వెలుగుచూశాయి. ఈ నేపథ్యంలో అధికార యంత్రాంగం అప్రమత్తమైంది. వ్యాధి వ్యాప్తి చెందకుండా అన్ని చర్యలు తీసుకుంటోంది.

చదవండి: భారత రాష్ట్రపతుల ప్రత్యేకతలేంటో తెలుసా?
కోడలిపై అత్తమామల చిత్రహింసలు.. కత్తితో పొడిచి.. ప్రైవేట్ పార్టుల్లో కర్రను పెట్టి..