MP Kalisetti Donated Blood : రాష్ట్రవ్యాప్తంగా మహాత్మా గాంధీ 155వ జయంతి వేడుకలను ఘనంగా నిర్వహించారు. పలువురు రాజకీయ నేతలు గాంధీ విగ్రహానికి పూలమాలలు వేసి నివాళులర్పించారు. పలుచోట్ల ర్యాలీలు నిర్వహించారు. దేశానికి స్వాతంత్య్రం సాధించడానికి ఆయన చేసిన పోరాటాలను గుర్తు చేసుకున్నారు. మహాత్ముడి బోధనలు నేటికీ అనుసరణీయమని చెప్పారు.
Gandhi Jayanti Celebrations in AP : జాతిపిత చూపిన బాటను అనుసరిస్తూ దేశాన్ని ముందుకు తీసుకువెళ్లడమే మన ముందున్న కర్తవ్యమని నేతలు పేర్కొన్నారు. ఈ క్రమంలోనే ఎచ్చెర్లలో ఎమ్మెల్యే ఈశ్వరరావు ఆధ్వర్యంలో మెగా బ్లడ్ డొనేషన్ క్యాంప్ను ఏర్పాటు చేశారు. ఈ కార్యక్రమంలో విజయనగరం ఎంపీ కలిశెట్టి అప్పలనాయుడు పాల్గొని మహాత్ముడికి నివాళి అర్పించారు. అనంతరం కలిశెట్టి రక్త దానం చేశారు.
