Bike Theft Gang Arrested : జల్సాలకు అలవాటు పడి పలుచోట్ల బైక్ చోరీలకు పాల్పడుతున్న ముఠాను ఓయూ పోలీసులు అరెస్టు చేశారు. కాగా వారంతా ఒకే కుటుంబానికి చెందిన వ్యక్తులుగా గుర్తించారు. పోలీసులు తెలిపిన వివరాల ప్రకారం, నాచారం ప్రాంతానికి చెందిన అబ్దుల్ సమద్, సాహేరా భార్యాభర్తలు. తన కుమారుడితో కలిసి బైక్ చోరీలకు పాల్పడుతూ, వాటిని అమ్మి జల్సాలు చేస్తున్నారు.
ఈస్ట్ జోన్ ఏసీపీ జగన్ ఆధ్వర్యంలో సీసీటీవీ కెమెరాల ఆధారంగా కేసు దర్యాప్తు చేపట్టారు. చోరీలకు పాల్పడుతున్న అబ్దుల్ సమద్, రాము, రాజేశ్లను అరెస్టు చేసి, వారి వద్ద నుంచి 11 బైక్లను స్వాధీనం చేసుకున్నారు. పరారీలో ఉన్న అబ్దుల్ సమద్ భార్య సాహెరా కోసం గాలిస్తున్నట్లు ఈస్ట్ జోన్ ఏసీపీ జగన్ తెలిపారు.
