శ్రీకాకుళంలో స్కూల్​లో సజ్జ కూలి విద్యార్థి మృతి - మంత్రి లోకేశ్ విచారం

Minister Nara Lokesh On Student Death: శ్రీకాకుళం జిల్లా ఎచ్చెర్ల నియోజకవర్గం పాతర్లపల్లి జిల్లా పరిషత్ హైస్కూల్లో భవనం సజ్జ కూలి కృష్ణంరాజు అనే 10వ తరగతి విద్యార్థి మృతి చెందాడు. వైఎస్సార్​సీపీ హయాంలో నిర్మించి అసంపూర్తిగా వదిలేసిన పాఠశాలలో జరిగిన ఈ ఘటన తనను తీవ్ర దిగ్భ్రాంతికి గురి చేసిందని మంత్రి నారా లోకేశ్​ ఆవేదన వ్యక్తం చేశారు. మరో విద్యార్థి గాయపడటం బాధాకరమని అన్నారు. పాఠశాలల్లో ఇటువంటి ప్రమాదాలు జరగకుండా చర్యలు తీసుకుంటామని స్పష్టం చేసారు. విద్యార్థి కుటుంబాన్ని ప్రభుత్వం తరపున ఆదుకుంటామని మంత్రి లోకేశ్ భరోసా ఇచ్చారు.