Hyderabad Race Club : హైదరాబాద్ రేస్ క్లబ్ వరద బాధితులకు బాసటగా నిలిచింది. భారీ వర్షాలు వరద బాధితుల సహాయ చర్యల కోసం ముఖ్యమంత్రి సహాయ నిధికి రూ. 2కోట్లు విరాళంగా అందజేసింది. హైదరాబాద్ జూబ్లీహీల్స్లోని ముఖ్యమంత్రి నివాసంలో రూ. 2 కోట్ల చెక్కును రేవంత్ రెడ్డికి రేస్ క్లబ్ డైరెక్టర్, ఖమ్మం ఎంపీ రామసహాయం రఘురాంరెడ్డి, మరో డైరెక్టర్ నర్సింహా రెడ్డి కలిసి అందజేశారు.
భారీ వర్షాల కారణంగా ఉమ్మడి ఖమ్మం, వరంగల్, నల్గొండ జిల్లాలు తీవ్ర నష్టానికి గురైన విషయం తెలిసిందే. మున్నేరు వాగు ఉద్ధృతంగా ప్రవహించడం చరిత్రలో చూడలేదని ఆ ప్రాంత వాసులు చెప్పారు. వరదలకు ఎందరో నిరాశ్రయులయ్యారు. ప్రభుత్వం వారిని ఆదుకుంటామని హామీ ఇచ్చింది. ఇల్లు కోల్పోయిన వారికి ఇందిరమ్మ ఇల్లు నిర్మిస్తామని గృహ నిర్మాణ శాఖ మంత్రి పొంగులేటి శ్రీనివాస్ రెడ్డి ప్రకటించారు.
