Excellance Award For Greater Warangal : గ్రేటర్ వరంగల్ ఖాతాలో మరో అవార్డు చేరింది. నైబర్ హుడ్ ఛాలెంజ్ పోటీలో బల్దియాకు ఎక్స్లెన్స్ సర్టిఫికెట్ లభించింది. బెంగుళూరు, ఇండోర్, జబల్పూర్, కొచ్చి నగరాల సరసన గ్రేటర్ వరంగల్ నిలవడంతో ఈ సర్టిఫికేట్ వరించింది. కేంద్ర ప్రభుత్వ పట్టణాభివృద్ధి, గృహ మంత్రిత్వ శాఖల (ఎంఓహెచ్యుఏ) ఆధ్వర్యంలో దిల్లీలో స్మార్ట్ సిటీ నగరాలకు సంబంధించిన సమావేశం జరిగింది.
గత మూడేళ్లుగా నిర్వహిస్తున్న నర్చరింగ్ నైబర్ హుడ్ ఛాలెంజ్ (ఎన్ఎన్సీ) పోటీల్లో ఇతర నగరాలతో ఉత్తమ ప్రదర్శన కనబర్చిన తొలి టాప్-5 నగరాలకు ఈ అవార్డు అందించారు. వరంగల్ మహా నగరం ఈ అవార్డు దక్కించుకోవడం, ఉత్తమ నగరాల సరసన చోటు దక్కడంపై నగర మేయర్ గుండు సుధారాణి హర్షం వ్యక్తం చేశారు. ఇందుకు కృషి చేసిన అధికారులను అభినందించారు.
