వర్షాల ఎఫెక్ట్ - రేపు విద్యాసంస్థలకు సెలవు - ఆదేశించిన సీఎం

CM Chandrababu Ordered Holiday for Educational Institutions : బంగాళాఖాతంలో ఏర్పడిన వాయుగుండం ప్రభావంతో రాష్ట్రంలో వర్షాలు దంచికొడుతున్నాయి. ఎడతెరిపిలేని వర్షాలతో ఏపీ వ్యాప్తంగా జనజీవనం స్తంభించింది. భారీ వర్షాలు, వరద ఉద్ధృతి కారణంగా సోమవారం (సెప్టెంబరు 2) విద్యా సంస్థలకు సెలవు ఇవ్వాలని ముఖ్యమంత్రి చంద్రబాబు ఆదేశించారు. ఆదేశాలు పాటించని ప్రైవేట్‌ విద్యా సంస్థలపై చర్యలు తప్పవని హెచ్చరించారు. రాష్ట్ర వ్యాప్తంగా కురిసిన భారీ వర్షాలకు ఇప్పటి వరకు 10 మంది మృతి చెందగా, పలువురు గల్లంతైన విషయం తెలిసిందే.