పుట్టినరోజు విందు - సందడి చేసిన రామచిలుకలు

Birthday Party to Parrots in Konaseema District : డాక్టర్​ బీఆర్​ అంబేడ్కర్ కోనసీమ జిల్లాలోని ఓ ఇంట్లో రామచిలుకలు సందడి చేశాయి. రామచంద్రపురం మండలం అన్నాయిపేటలో మద్దూరి దొరబాబు పదేళ్లుగా రామచిలుకలతో స్నేహం చేస్తున్నారు. మొదట వాటి కోసం ధాన్యపు కుచ్చును ఇంటికి కట్టేవారు. ఇప్పుడు బియ్యం మేడపై చల్లితే, వాటిని ఆరగించేందుకు వందల రామచిలుకలు వస్తున్నాయి. వీటికోసం దొరబాబు ప్రత్యేకంగా పిట్టగోడపై చెక్కబల్లలు ఏర్పాటు చేశారు. ఆదివారం తన పుట్టినరోజు అని బియ్యం, వేరుశనగ గింజలతో వాటికి విందు ఇచారు. చిలుకలు భారీగా వచ్చి ఆరగించడంతో దొరబాబు ఆనందం వ్యక్తం చేశారు.