Wanindu Hasaranga Srilanka Captaincy : 2024 టీ20 ప్రపంచ కప్‌లో పేలవ ఫామ్ కనబరిచిన శ్రీలంక సూపర్‌-8కు కూడా చేరుకోలేకపోయింది. దీంతో వైఫల్యానికి బాధ్యత వహిస్తూ ఆ జట్టు కోచ్ క్రిస్‌ సిల్వర్‌వుడ్ తాజాగా తన పదవికి రాజీనామా చేశాడు. అయితే కెప్టెన్ వానిందు హసరంగ కూడా తన కెప్టెన్సీని వదులుకున్నాడు. ఈ విషయాన్ని శ్రీలంక క్రికెట్ బోర్డు తాజాగా ఒక ప్రకటన చేసింది. అందులో జాతీయ జట్టు తరఫున ఎల్లప్పుడూ అత్యుత్తమ పెర్ఫామెన్స్ కనబరుస్తానని, జట్టు నాయకత్వానికి తన మద్దతు ఉంటుందంటూ హసరంగ పేర్కొన్నాడు.
ఇక జులై నెలాఖరులో భారత జట్టు శ్రీలంక పర్యటనకు వెళ్లనుంది. లంకతో జులై 27, 28, 30 తేదీల్లో మూడు టీ20లు, ఆగస్టు 2, 4, 7 తేదీల్లో మూడు వన్డేలు ఆడనుంది. ఇక బీసీసీఐ కూడా ఈ సిరీస్‌లకు తమ తుది జట్లను త్వరలోనే అనౌన్స్ చేయనుంది.
