NTR Devara: గ్లోబల్ స్టార్ ఎన్టీఆర్- కొరటాల శివ కాంబోలో తెరకెక్కుతున్న 'దేవర' ప్రాజెక్ట్లో మరో మేజర్ షెడ్యూల్ షూట్ కంప్లీట్ అయ్యింది. దీంతో 90 శాతం షూటింగ్ పూర్తైందట. ఇంకా రెండు పాటలు, చిన్న టాకీ పార్ట్ మాత్రమే బ్యాలెన్స్ ఉన్నట్లు తెలుస్తోంది. ఇది కూడా మరో 10 రోజుల్లో పూర్తైయ్యే ఛాన్స్ ఉందని ఇన్సైడ్ టాక్. ఇక, తాజాగా శంషాబాద్ ఏరియాలో ఓ పాట కోసం ప్రత్యేక సెట్ వేశారు. బుధవారం (జూలై 10) నుంచి ఈ పాట చిత్రీకరణ ప్రారంభం కానుంది.
కాగా, రిలీజ్ డేట్ దగ్గరపడుతుండడం వల్ల మిగిలిన 10 శాతం పనులు చకచకా పూర్తి చేసి ప్రమోషన్స్పై దృష్టి పెట్టాలని మేకర్స్ భావిస్తున్నారట. ఈ సినిమా ఎన్టీఆర్, యువసుధ బ్యానర్లపై కల్యాణ్ రామ్ నిర్మిస్తున్నారు. ఇక రెండు పార్ట్లుగా తెరకెక్కుతున్న ఈ సినిమా నుంచి తొలి భాగం సెప్టెంబర్ 27న విడుదల కానుంది.
