Ambani Gifts 2Crore Watch: రిలయన్స్ అధినేత ముకేశ్‌- నీతా అంబానీ చిన్న కుమారుడు అనంత్- రాధిక పెళ్లి శుక్రవారం గ్రాండ్గా జరిగింది. ముంబయి బాంద్రాలోని జియో వరల్డ్‌ కన్వెన్షన్‌ సెంటర్‌ ఈ కల్యాణానికి వేదికగా నిలిచింది. ఈ గ్రాండ్ వెడ్డింగ్కు బాలీవుడ్ సహా ఆయా ఇండస్ట్రీల సెలబ్రిటీలంతా హాజరై సందడి చేశారు. హుషారుగా స్టెప్పులేస్తూ వెడ్డింగ్లో హైలైట్గా నిలిచారు. అయితే తన వివాహానికి హాజరైన ఫ్రెండ్స్కు అనంత్ అంబానీ ఖరీదైన వాచీలను గిఫ్ట్గా ఇచ్చి సర్ప్రైజ్ చేశారు.
అడెమార్స్‌ పిగ్యుట్‌ బ్రాండ్‌కు చెందిన ఈ వాచీ ధర సుమారు రూ.1.5 కోటి- రూ.2 కోట్ల దాకా ఉంటుందని సోషల్ మీడియాలో ప్రచారం సాగుతోంది. ఇక బాలీవుడ్ హీరోలు సల్మాన్‌ ఖాన్‌, షారుక్‌ ఖాన్‌, రణ్‌వీర్‌ సింగ్‌ ఈ వాచీలు ధరించి సోషల్ మీడియాలో ఫొటోలు షేర్ చేశారు. కాగా, అనంత్- రాధిక వెడ్డింగ్కు దాదాపు రూ.5వేల కోట్ల ఖర్చు చేసినట్లు తెలుస్తోంది.
