Aadujeevitham OTT : మాలీవుడ్ స్టార్ హీరో పృథ్వీరాజ్ సుకుమారన్‌ నటించిన బ్లాక్బస్టర్ 'ఆడు జీవితం' (ది గోట్ లైఫ్‌) మూవీ ఇప్పుడు ఓటీటీలో వచ్చేందుకు సిద్ధమైంది. ప్రముఖ ఓటీటీ ప్లాట్‌ఫామ్‌ నెట్ఫ్లిక్స్ వేదికగా జులై 19 నుంచి ఇది స్ట్రీమ్ కానుంది. తాజాగా నెట్ఫ్లిక్స్ ఈ విషయాన్ని తెలియజేస్తూ ఓ స్పెషల్ పోస్ట్ షేర్ చేసింది. మలయాళంతో పాటు మరో నాలుగు భాషల్లో ఇది అందుబాటులో రానుంది.
నిజ జీవితంలో జ‌రిగిన సంఘ‌ట‌నల్ని ఆధారంగా చేసుకుని రైటర్ బెన్యామిన్ రాసిన 'గోట్ డేస్‌' అనే నవల ఆధారంగా డైరెక్టర్ బ్లెస్సీ ఈ సినిమాను తెరకెక్కించారు. మార్చి నెలాఖరులో విడుదలైన ఈ చిత్రం బాక్సాఫీస్‌ వద్ద సెన్సేషనల్ హిట్ అందుకుంది. రూ.82 కోట్లతో నిర్మితమైన దాదాపు రూ.160 కోట్లు కలెక్షన్లు సాధించిందని సినీ విశ్లేషకుల అంచనా.
