Parliaments Budget Session 2024 : పార్లమెంట్ బడ్జెట్ సమావేశాలకు ముహుర్తం ఖరారైంది. జులై 22 నుంచి ఆగస్టు 12 వరకు పార్లమెంట్ బడ్జెట్ సమావేశాలు జరుగుతాయని పార్లమెంటరీ వ్యవహారాల మంత్రి కిరణ్ రిజిజు తెలిపారు. కాగా, 2024-25 ఆర్థిక సంవత్సరానికి సంబంధించిన బడ్జెట్ను జులై 23న కేంద్ర ఆర్థిక మంత్రి నిర్మలా సీతారామన్ పార్లమెంట్లో ప్రవేశపెట్టనున్నారు.
ఎన్నికల ఏడాది కావడం వల్ల 2024 ఫిబ్రవరి 1న నిర్మలా సీతారామన్ ఓటాన్‌ అకౌంట్ బడ్జెట్ను ప్రవేశపెట్టారు. ఇప్పుడు కొత్త ప్రభుత్వం ఏర్పడటం వల్ల పూర్తి స్థాయి బడ్జెట్ను ప్రవేశపెట్టనున్నారు. మోదీ 3.0లో ప్రవేశపెట్టనున్న తొలి బడ్జెట్ ఇదే కానుంది. కాగా, ప్రధాని మోదీ, నిర్మలమ్మకు ఆర్థిక మంత్రిగా 3.0 సర్కార్లో కూడా అవకాశం ఇచ్చారు. నిర్మలమ్మ జులై 23న ప్రవేశపెట్టబోయే బడ్డెట్పై వేతన జీవులు, పన్ను చెల్లింపుదారులు, వ్యాపారవేత్తలు, రైతులు ఆశలు పెట్టుకున్నారు.
