ఎన్నికల నిబంధన అతిక్రమించిన వైసీపీ ఎమ్మెల్యే - రంజాన్‌ ప్రార్థనల్లో ప్రచారం - Mekapati Vikram Reddy

YCP Leader Mekapati Vikram Reddy Election Camapaign : నెల్లూరు జిల్లా ఆత్మకూరులో వైసీపీ ఎమ్మెల్యే తీరు వివాదాలకు తావిస్తోంది. వైసీపీ ఎమ్మెల్యే అభ్యర్థి మేకపాటి విక్రమ్​రెడ్డి ఎన్నికల నిబంధన అతిక్రమించారు. గురువారం ఆత్మకూరు ఈద్గాలో ముస్లింలతో కలిసి ప్రత్యేక ప్రార్థనల్లో పాల్గొన్నారు. ప్రతి మండల కేంద్రంలో షాదీమందిర్​ నిర్మిస్తామని ఈ సందర్భంగా పేర్కొన్నారు. అంతేకాకుండా ఆత్మకూరులో షాదీమందిర్​ను రూ. మూడు కోట్లతో అభివృద్ధి చేస్తామని తెలిపారు. ఈ సందర్భంగా జై జగన్​ అంటూ కొంత మంది నినాదాలు చేశారు. ఎన్నికల నిబంధనలు అమల్లో ఉన్న వేళ ఈద్గాలో ప్రచారం నిర్వహించడంపై ముస్లింల నుంచి విమర్శలు వెల్లువెత్తున్నాయి.
Atmakuru Nellore District : రెండు రోజుల క్రితం ఆత్మకూరు మండలం కరటపాడు గ్రామంలో మేకపాటి విక్రం రెడ్డి రంజాన్ సందర్బంగా ముస్లింలకు ఇఫ్తార్​ విందును ఇచ్చారు. అక్కడ ఏర్పాటు చేసిన షామియానాలను మొత్తం వైసీపీ రంగులతో నింపి వేశారు. ఇఫ్తార్​ విందుకు వచ్చిన ముస్లింల్లో కొంత మంది పార్టీ కార్యక్రమంగా ఏర్పాటు చేసినట్లు అభ్యంతరం వ్యక్తం చేశారు.