అడ్రస్ అడగడానికి వచ్చి మెడలో గొలుసు లాక్కెళ్లాడు - సీసీ కెమెరాకు చిక్కిన చోరీ - Women Gold Chain Theft In Bapatla

Women Gold Chain Theft In Bapatla District : బాపట్లజిల్లా చీరాల మండలం రామకృష్ణాపురంలో ఓ చైన్ స్నాచర్​ హల్​చల్​ చేసిన దృశ్యాలు సీసీ కెమెరాలో రికార్డయ్యాయి. రామకృష్ణాపురంలోని యోగాబజార్​లో తన ఇంటి ముందు ఓ మహిళ నిలబడి ఉంది. అదే సమయంలో ద్విచక్రవాహనంపై వచ్చిన ఆగంతకుడు వాహనాన్ని అపి దిగి వచ్చి ఆ మహిళను అడ్రస్ చెప్పమని అడుగుతూ దగ్గరగా వచ్చి ఆమె మెడలో ఉన్న ఐదు సవర్ల మంగళసూత్రం గొలుసు,రెండున్నర సవర్ల నల్లపూసల దండను పట్టుకుని లాగాడు. 

ఆగంతకుడు బంగారం లాగే సమయంలో బాధితురాలు తన చేతితో వాటిని గట్టిగపట్టుకోవటంతో   అతడు పట్టుకున్న వరకు దండలు తెగిపోయాయి. దీంతో అందినంత వరకు వాటిని తీసుకుని దొంగ వాహనంపై పారిపోయాడు. ఇదంతా అక్కడే ఉన్న సీసీ కెమెరాల్లో రికార్డు అయ్యింది. బాధితురాలు దొంగతనం విషయమై పోలీసులకు ఫిర్యాదు చేశారు. సీసీ కెమెరా పుటేజ్​ ఆధారంగా చీరాల పోలీసులు దర్యాప్తు చేస్తున్నామన్నారు.