పంప్ హౌస్​కు తాళాలు - వేతనాలివ్వాలంటూ కార్మికుల ఆందోళన

Water Supply Workers Protest in Satya Sai District : శ్రీ సత్యసాయి జిల్లా తనకల్లులో వేతనాలు చెల్లించాలంటూ తాగునీటి కార్మికులు పంప్ హౌస్​కు తాళం వేసి నిరసన తెలిపారు. గతంలో నీటి సరఫరా విభాగంలో పని చేస్తున్న కార్మికులను ఆర్​డబ్ల్యూఎస్ (RWS)లో కొనసాగించారన్నారు. జగన్ అధికారంలోకి వచ్చాక తాగునీటి సరఫరా బాధ్యతలను శ్రీ లక్ష్మీనరసింహ మెటల్ కంపెనీ లిమిటెడ్ అనే ఓ ప్రైవేట్ సంస్థకు అప్పగించిందన్నారు. సంస్థ తమకు వేతనాలు చెల్లించకుండా నిలిపి వేసిందని కార్మికులు (Workers) ఆవేదన వ్యక్తం చేశారు. Water Supply Department Workers Problems : అధికారులను కలిసి వినతి పత్రం అందజేసినా తమ సమస్యలు పరిష్కారం కాలేదని కార్మికులు వాపోయారు. తాజాగా పంప్ హౌస్​లను (Pump House) తనిఖీ చేయడానికి విజిలెన్స్ అధికారులు వస్తున్నారని తెలియడంతో కార్యాలయానికి తాళాలు వేసి ఆందోళనకు (Protest) దిగారు. తమకు బకాయిలు చెల్లించే వరకు తాళాలు తెరవనివ్వబోమని కార్మికులు స్పష్టం చేశారు.