'ప్రజలు రాసిన స్క్రిప్ట్​లో జగన్​కు ప్రతిపక్ష హోదా గల్లంతు' - TNSF State President press meet

TNSF State President Pranav Gopal on Alliance Success : ఏపీ అసెంబ్లీ ఎన్నికల ఫలితాల్లో కూటమి సునామీ సృష్టిస్తోందని టీఎన్ఎస్ఎఫ్ రాష్ట్ర అధ్యక్షుడు ప్రణవ్ గోపాల్ అన్నారు. ఎప్పుడు చూసిన దేవుడు రాసిన స్క్రిప్ట్ అనే జగన్​ మోహన్ రెడ్డికి, ఈరోజు నిరుద్యోగులు, మహిళలు, అణగారిన వర్గాలు రాసిన స్క్రిప్ట్​తో ప్రతిపక్ష హోదా కూడా లేకుండా పోతోందని ప్రణవ్ గోపాల్ విమర్శించారు. ఐదేళ్ల పాటు నిరుద్యోగులకు జాబ్ క్యాలెండర్ లేకుండా మోసం చేసిన ఉసురు వైసీపీకి తగిలిందని ఎద్దేవా చేశారు. రాష్ట్ర అభివృద్ధి కూటమి సారధ్యంతోనే సాధ్యమని నమ్మి ప్రజలు భారీ మెజార్జీ ఇచ్చారని వెల్లిడించారు.

ఇంత భారీ మోజర్జీ ఇచ్చిన అన్ని వర్గాల వారికి పేరుపేరునా కృతజ్ఞతలు తెలిపారు. రాష్ట్రంలో కూటమి ప్రభుత్వం అధికారంలోకి వస్తేనే రాష్ట్రం అభివృద్ధి చెందుతుందని నమ్మి ఓట్లేసిన ప్రతి ఒక్కరికి మనస్ఫుర్తిగా అభినందనలు తెలిపారు. ఆంధ్రప్రదేశ్ చరిత్రలోనే ఇవి చారిత్రత్మకమైన ఫలితాలని వివరించారు. సాక్ష్యాత్తు రాష్ట్ర శాసనసభలో చంద్రబాబుకు అవమానం జరిగింది. ఆరోజే మళ్లీ ఎన్నికల్లో గెలిచి అసెంబ్లీలో అడుకుపెడతానని చంద్రబాబు శపథం చేశారు. ఈ విషయాన్ని గుర్తుపెట్టుకgని ప్రజలు అఖండ మోజరిటీతో గెలిపించారని తెలిపారు. ఈ రోజుతో జగన్ నియంతపాలనకు ప్రజలు చరమగీతం పాడారన్నారు. చివరికి ప్రతిపక్షహోదా కూడా ఉంటుందో లేదో తెలియని పరిస్ధితి నెలకొందన్నారు.