LIVE : తెలంగాణ ఇంటర్ ఫలితాలు - 2024 విడుదల కార్యక్రమం - TS INTER EXAM RESULTS LIVE 2024

Telangana Inter Exam Results 2024 : రాష్ట్రంలో ఇంటర్మీడియట్​ పరీక్షల ఫలితాలను విద్యాశాఖ ముఖ్య కార్యదర్శి బుర్రా వెంకటేశం, బోర్డు కార్యదర్శి శ్రుతి ఓజా విడుదల చేస్తున్నారు. ఉదయం 11 గంటలకు ప్రథమ, ద్వితీయ సంవత్సరాల ఇంటర్​ ఫలితాలను ఒకేసారి విడుదలకు శ్రీకారం చుట్టారు. ఈ ఫలితాలను హైదరాబాద్​లోని నాంపల్లిలో ఉన్న ఇంటర్​ బోర్డు కార్యాలయంలో విడుదల చేస్తున్నారు. ఫిబ్రవరి 28 నుంచి మార్చి 19 వరకు ఇంటర్​ పరీక్షలు జరిగాయి. 1,521 పరీక్ష కేంద్రాలలో పరీక్షలు జరిగాయి. ఈ పరీక్షలకు 9,80,978 మంది విద్యార్థులు హాజరయ్యారు. ఒకేసారి ప్రథమ, ద్వితీయ సంవత్సరాల ఫలితాలను విడుదల చేయడం వల్ల సర్వర్​ సమస్య తలెత్తె అవకాశం ఉండడంతో ఈసారి అలాంటి సమస్యలు రాకుండా అధికారులు ముందు జాగ్రత్త చర్యలు తీసుకున్నారు. మరో వైపు సర్వర్​ హ్యాంగ్​ కాకుండా చూసుకుంటున్నారు. ఈ ఫలితాలను కోసం ఇంటర్​ విద్యార్థులు ఎంతో ఆత్రుతతో ఎదురుచూస్తున్నారు. మార్కులు లెక్కించేటప్పుడు ఎలాంటి టెక్నికల్​ సమస్యలు రాకుండా విద్యాశాఖ అధికారులు ముందు నుంచే సన్నద్ధం అయ్యారు.