వైసీపీ డ్రామాలను ప్రజలు నమ్మే స్థితిలో లేరు: నక్కా ఆనంద్ బాబు

Nakka Anand Babu Allegations on Jagan: వైఎస్ ఇంట్లో వివాదం రచ్చకెక్కితే, దానిని సజ్జల తెలుదేశానికి ఆపాదించటమేంటని తెలుగుదేశం పార్టీ పొలిట్ బ్యూరో సభ్యులు నక్కా ఆనంద్ బాబు ప్రశ్నించారు. షర్మిలను ఎందుకు వాడుకుని వదిలేశారో జగన్, సజ్జల సమాధానం చెప్పలేక తెలుగుదేశంపై విమర్శలు చేస్తున్నారన్నారు. ఇంట్లో బాబాయ్ హత్య జరిగినప్పుడు మొదలైందా లేక తల్లిని గౌరవ అధ్యక్షురాలిగా తీసేసినప్పుడు మొదలైందా లేక షర్మిలకు ఆస్తి ఇవ్వనందుకు మొదలైందా అనేది సమాధానం చెప్పాల్సింది జగనేనని తెలిపారు. మొత్తం కుటుంబాన్ని ఎన్నికలకు ముందు వాడుకుని, గెలిచిన తరువాత ఎందుకు వదిలేశారో మీరే సమాధానం చెప్పాలని ప్రశ్నించారు. నిన్ను నమ్మం జగన్ అని తల్లీ, చెల్లితో పాటు ప్రజలంతా ఫిక్స్ అయ్యారని వెల్లడించారు. కుటుంబ చీలికల సృష్టికర్తలు ఇప్పుడు సానుభూతి కోసం మాట్లాడే డ్రామాలను ప్రజలు నమ్మే పరిస్థితిలో లేరు. వచ్చే ఎన్నికలలో జగన్​ను గద్దె దించడానికి ప్రజలు సిద్ధంగా ఉన్నారని అన్నారు.