శవ రాజకీయాల కోసమే దిల్లీకి జగన్​: జీవీ ఆంజనేయులు - GV Anjaneyulu Fires on Jagan

GV Anjaneyulu Fires on Jagan : ముఖ్యమంత్రి చంద్రబాబు నాయుడు దిల్లీ నుంచి రాష్ట్రానికి నిధులను సాధించుకొచ్చారని వినుకొండ ఎమ్మెల్యే జీవీ ఆంజనేయులు అన్నారు. కానీ జగన్​మోహన్ రెడ్డి మాత్రం శవరాజకీయాల కోసం దిల్లీ వెళ్లారని ఆరోపించారు. తన హయాంలో ఏపీ పరువును జగన్ హస్తినలో తాకట్టు పెట్టారని విమర్శించారు. ఎందుకంటే వైఎస్సార్సీపీ పాలనలో అభివృద్ధి , ఉద్యోగాలు లేవన్నారు. అసెంబ్లీలోని మీడియా పాయింట్ వద్ద జీవీ ఆంజనేయులు మాట్లాడారు.

రాష్ట్రంలో వందల హత్యలు, దాడులు జరుగుతున్నాయని జగన్​మోహన్ రెడ్డి అభూత కల్పన కల్పిస్తున్నారని జీవీ ఆంజనేయులు మండిపడ్డారు. వైఎస్సార్సీపీలోని రెండు కుటుంబాల మధ్య జరిగిన గొడవలో ఓ రౌడీ ప్రాణాలు కోల్పోయాడని పేర్కొన్నారు. ఆ హత్యను రాజకీయం చేయడం సిగ్గుచేటని విమర్శించారు. మరి జగన్​మోహన్ రెడ్డి ప్రభుత్వంలో జరిగిన 256 హత్యలకు ఏం సమాధానం చెప్తారని ప్రశ్నించారు. ఆయన చర్యలను ప్రజలు చీదరించుకుంటున్నారని చెప్పారు. జగన్​కి పదవీ కాంక్ష, అవినీతి తప్ప ఇంకో ఆలోచన లేదని జీవీ ఆంజనేయులు దుయ్యబట్టారు.