మనవరాలిపై తాత అత్యాచారం - గర్భందాల్చడంతో విషయం వెలుగులోకి

Minor Girl Raped By Grandfather : ఓ బాలికపై వరుసకు తాతయ్యే వ్యక్తి అత్యాచారం చేసి గర్భవతిని చేశారు. కృష్ణా జిల్లా మోపిదేవి గ్రామంలో ఈ ఘటన జరిగింది. మోపిదేవి గ్రామంలోని హై స్కూల్​లో 9వ తరగతి చదువుతున్న బాలికకు తీవ్రమైన కడుపునొప్పి రావడంతో కుటుంబ సభ్యులు అవనిగడ్డ ఏరియా ఆసుపత్రికి తీసుకెళ్లారు. ఆసుపత్రిలో వైద్య పరీక్షలు చేసిన డాక్టర్లు ఆ బాలిక నాలుగు నెలల గర్బిణిగా గుర్తించారు. 

మెరుగైన వైద్య చికిత్స కోసం వైద్యులు ఆ బాలికను మచిలీపట్నం ఆసుపత్రికి తీసుకెళ్లాలని సూచించారు. బాలికను కుటుంబ సభ్యులు విచారించగా, ఇంటి పక్కన ఉండే వరసకు తాతయ్య అయ్యే ఓ వ్యక్తి మాయమాటలు చెప్పి మభ్యపెట్టి పలుమార్లు అత్యాచారానికి పాల్పడినట్లు చెప్పినట్లు తెలిసింది. దీంతో రంగంలోకి దిగిన అవనిగడ్డ డీఎస్​పీ మురళీధర్ బాలిక ఇంటి వద్ద విచారణ చేపట్టారు. కేసు నమోదు చేసుకుని దర్యాప్తు చేస్తున్నామని, విచారణ అనంతరం అన్ని వివరాలు తెలియజేస్తామని తెలిపారు.