టీడీపీ ఫర్​ ఆంధ్రా వెబ్​సైట్​కు అనూహ్య స్పందన - Huge Response TDP for Andhra

Huge Response For TDP for Andhra Website : టీడీపీ ఫర్ ఆంధ్ర వెబ్ సైట్ ద్వారా ఆన్​లైన్​లో  విరాళాలు అందించాల్సిందిగా తెలుగుదేశం అధినేత చంద్రబాబు ఇచ్చిన పిలుపునకు అనూహ్య స్పందన లభిస్తోంది. మూడు రోజుల క్రితం ఇందుకు సంబంధించిన వెబ్​ సైట్​ను చంద్రబాబు నాయుడు ప్రారంభించగా, ఇప్పటి వరకు 5వేల మందికి పైగా అభిమానులు, కార్యకర్తలు, నాయకులు విరాళాలు అందజేశారు. ప్రాణాలకు తెగించి అయినా రాష్ట్రాన్ని కాపాడుకోవాల్సిన అనివార్య పరిస్థితులు ప్రస్తుతం నెలకొన్నాయని తెలిపారు. 

5 Lakhs People Donated Funds For Telugu desam Party : ప్రపంచవ్యాప్తంగా ఎక్కడ స్థిరపడినా నా జన్మభూమి అనే భావనను మదినిండా నింపుకున్న తెలుగువారు తమ సంపాదనలో కొంతమొత్తాన్ని రాష్ట్రాన్ని కాపాడుకునేందుకు తెలుగుదేశం పార్టీకి విరాళంగా ఇవ్వాల్సిందిగా చంద్రబాబు పిలుపునిచ్చారు. విరాళాలు అందించేవారు టీడీపీ ఫర్ ఆంధ్ర.కామ్ వెబ్ సైట్​లోకి వెళ్లి విరాళాలు అందజేయడం ద్వారా నవ్యాంధ్ర పునర్నిర్మాణంలో భాగస్వాములు కావాల్సిందిగా తెలుగుదేశం పార్టీ పిలుపునిస్తోంది.