బీఆర్​ఎస్​కు ఒడిదొడుకులు కొత్త కాదు : శ్రీనివాస్ గౌడ్ - Srinivas Goud on BRS

Srinivas Goud about BRS : తెలంగాణ అస్థిత్వాన్ని కాపాడుకోవాలంటే బీఆర్​ఎస్​ను కాపాడుకోవాల్సిన అవసరం ఉందని, ఆ పార్టీని రాష్ట్ర ప్రజలే కాపాడుకుంటారని మాజీ మంత్రి శ్రీనివాస్ గౌడ్ అన్నారు. పార్టీని లేకుండా చేయడం ఎవరి తరం కాదని, బీఆర్​ఎస్​ను వీడుతున్న వారు నాయకత్వంపై విమర్శలు చేయడం సరికాదని హితువు పలికారు. తల్లి లాంటి పార్టీని విమర్శించవద్దని సూచించారు. రెండు ఎంపీ సీట్లు ఉన్న బీజేపీ ఇప్పుడు ఏ స్థాయికి చేరుకొందని, కాంగ్రెస్​కు పెద్ద సంఖ్యలో ఎమ్మెల్యేలు లేకపోయినా అధికారంలోకి రాలేదా అని ఆయన ప్రశ్నించారు. 

సొంత బలం మీద గెలిచామని అనుకుంటే పార్టీ మారుతున్న వారు రాజీనామా చేసి మళ్లీ గెలవాలని మాజీ మంత్రి శ్రీనివాస్​ గౌడ్​ డిమాండ్ చేశారు. గొప్ప ఉద్యమ చరిత్ర ఉన్న, త్యాగాల పునాదుల మీద పుట్టిన బీఆర్​ఎస్​కు ఒడిదొడుకులు కొత్త కాదన్న ఆయన, ఉద్యమంలోనే తమ పార్టీని చంపాలని చాలా మంది ప్రయత్నించి విఫలమయ్యారని పేర్కొన్నారు. బీఆర్​ఎస్​ లేకపోతే తెలంగాణ వచ్చేదా ? కేసీఆర్ ఉద్యమం చేయకపోతే రాష్ట్రం ఇచ్చేవారా అని ప్రశ్నించారు.