బీడీ వెలిగించి అగ్గిపుల్ల పడేశాడు - భగ్గుమన్న పెట్రోలు - వీడియో వైరల్​ - Kalyandurg Fire Accident

Kalyandurg Fire Accident Today : కొన్నికొన్ని సార్లు తెలియకుండా చేసే తప్పులు ప్రమదానికి దారి తీస్తాయి. తద్వారా ఊహించని నష్టాన్ని కలిగిస్తాయి. తాజాగా అనంతపురం జిల్లాలో పెను అగ్నిప్రమాదం తప్పింది. కళ్యాణదుర్గం పట్టణంలోని టీ కూడలి వద్ద ఉన్న ఓ పెట్రోల్​ బంక్ నుంచి ఓ వ్యక్తి ప్లాస్టిక్ క్యాన్​లో పెట్రోల్ తీసుకొని వెళ్తున్నాడు. ప్రమాదవశాత్తు క్యాన్ పగిలిపోయి అందులోని పెట్రోల్ అంతా రోడ్డుపై పడిపోయింది. ఇది గమనించని మరో వ్యక్తి దానికి సమీపంలోనే బీడీ అంటించుకుని అగ్గిపుల్లను రోడ్డుపై వేశాడు. దీంతో ఒక్కసారిగా మంటలు చేలరేగాయి. 

Fire Accident Kalyandurg Video Viral : దీంతో అక్కడివారు భయాందోళనలకు గురయ్యారు. ఈ క్రమంలోనే అక్కడ నిలిపి ఉన్న ద్విచక్ర వాహనాలకు మంటలు వ్యాపించాయి. ఇది గమనించిన పరిసర ప్రాంతాల్లోని దుకాణాల యజమానులు నీళ్లు చల్లి మంటలను అదుపు చేశారు. దీనిపై వారు అగ్నిమాపక అధికారులకు సమాచారం అందించారు. ఘటనా స్థలానికి చేరుకున్న ఫైర్ సిబ్బంది, పోలీసులు పరిస్థితిని పర్యవేక్షించారు. మరోవైపు ఈ ఘటనలో ఎవ్వరికి ఏమీ కాకపోవడంతో అక్కడివారు ఊపిరి పీల్చుకున్నారు. ఇప్పుడు ఈ వీడియో కాస్తా సోషల్ మీడియాలో వైరల్​గా మారింది.