ఐదేళ్లు వైఎస్సార్సీపీ రివర్స్‌ పాలన - నేడు అన్నదాతలకు శాపాలు - Leakage Of Konam Project

Farmers Agitation With Leakage Of Konam Project Gates Anakapalli District : వైఎస్సార్సీపీ ప్రభుత్వ ఐదేళ్ల రివర్స్‌ పాలన పాపాలు రాష్ట్ర ప్రజలకు శాపాలుగా మారి నేడు వేధిస్తున్నాయి. జగన్‌ హయాంలో సాగునీటి రంగాన్ని పూర్తిగా పక్కన పెట్టడంతో పలు ప్రాజెక్టుల నిర్వహణ కుంటుపడింది. అనకాపల్లి జిల్లాలోని కోనాం రిజర్వాయర్​​ నిర్వహణకు కనీస నిధులు కేటాయించకపోవడంతో గేట్లు మరమ్మతులకు గురయ్యాయి. లీకేజీలు ఏర్పడి భారీగా నీరు దిగువకు వెళ్లిపోతున్నాయి. 

మాడుగుల నియోజరకవర్గంలో చీడికాడ మండలం సమీపంలోనే ఈ కోనాం రిజర్వాయర్​ కింద పది వేల ఎకరాలు సాగవుతుంది. మొత్తం ఆయకట్టు పద్నాలుగున్నర వేల ఎకరాలు ఈ రిజర్వాయర్​పై ఆధారపడి ఉంటాయి. ఒక పంటకు పూర్తి స్థాయిలో నీరు అందాలంటే ఈ గేట్ల నిర్వహణ తప్పనిసరి. వీటిపై కూటమి ప్రత్యేక దృష్టి సారించి తమ సమస్యలను పరిష్కరించాలని రైతులు కోరుతన్నారు. వైఎస్సార్సీపీ ఒక్క పైసా విదల్చకుండా నేడు ఈ పరిస్థితి నెలకొందని అన్నదాతలు ఆవేదన చెందుతున్నారు. ప్రాజెక్టు ప్రస్తుత పరిస్థితిపై మరింత సమాచారాన్ని మా ప్రతినిధి కూర్మరాజు అందిస్తారు.