ప్రకాశం జిల్లాలో దారుణం - విద్యుత్ షాక్​కు గురై ఉద్యోగి మృతి

Electricity Worker Died Due to Current Shock in Prakasam District : కరెంటు పోల్స్ నిర్మిస్తుండగా విద్యుత్ కాంట్రాక్టు ఉగ్యోగి మృతి చెందిన ఘటన ప్రకాశం జిల్లాలో కలకలం రేపింది. జిల్లాలోని కంభం మండలం ఎర్రబాలెం గ్రామంలో శుక్రవారం ఈ విషాదం చోటుచేసుకుంది. కంభం మండలంలో వెంకటేశ్వర్లు అనే వ్యక్తి విద్యుత్ కాంట్రాక్టు ఉద్యోగిగా పని చేస్తున్నారు. అయితే ఎర్రబాలెం గ్రామంలో నూతనంగా కరెంటు పోల్స్ నిర్మాణం చేపట్టారు. అక్కడ పోల్స్ నిర్మిస్తుండగా వెంకటేశ్వర్లు విద్యుత్ షాక్​కు గురై అక్కడికక్కడే మృతి చెందారు. వెంటనే తెరుకున్న అక్కడి స్థానికులు హుటాహుటిన ఆసుపత్రికి తరలించారు. అప్పటికే మృతి చెందినట్టు వైద్యులు వెల్లడించారు. 

మృతుడు కంభం మండలానికి చెందిన వ్యక్తిగా పోలీస్​లు గుర్తించారు. పోస్టుమార్టం నిమిత్తం మృతదేహాన్ని కంభం ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసుకున్న పోలీసులు ప్రమాదం జరిగిన ప్రాంతానికి వెళ్లి పరిశీలించారు. అనంతరం వివరాలు నమోదు చేసుకున్న పోలీసులు మృతిపై దర్యాప్తు చేస్తున్నామని వెల్లడించారు. మృతుడికి భార్య, ఇద్దరు పిల్లలు ఉన్నట్లుగా కుటుంబ సభ్యులు వెల్లడించారు.