'బ్లూ ఎకానమీ ప్రాజెక్ట్'పై మంత్రి పవన్ చర్చ- ప్రపంచ బ్యాంకు ప్రతినిధులు, పర్యావరణ శాస్త్రవేత్తలతో సమావేశం - Pawan on Blue Economy Project in AP

Pawan on Blue Economy Project in AP : ఉప ముఖ్యమంత్రి పవన్ కల్యాణ్ ఏపీలో పర్యావరణ పరిరక్షణకు తీసుకోవాల్సిన అంశాలపై అధికారులతో వరుసగా సమీక్షలు, సమావేశాలు నిర్వహిస్తున్నారు. ఈ క్రమంలోనే అధికారులకు పలు సూచనలు సలహాలు చేస్తున్న విషయం తెలిసిందే. తాజాగా ఆయన ప్రపంచ బ్యాంకు ప్రతినిధులు, సీనియర్ పర్యావరణ శాస్త్రవేత్తలు అవనీష్​కాంత్, పి.సిద్దార్ధతో సమావేశమయ్యారు.

Pawan Meet World Bank Representatives : ఆంధ్రప్రదేశ్​లో సముద్ర వనరుల సమర్ధ వినియోగం, బ్లూ ఎకానమీ ప్రాజెక్ట్ అమలు అంశంపై పవన్ కల్యాణ్ వారితో చర్చించారు. ఇప్పటికే కర్ణాటక, తమిళనాడు రాష్ట్రాల్లో ఈ ప్రాజెక్ట్ అమలుకు వరల్డ్ బ్యాంక్ అందిస్తున్న ఆర్ధిక, సాంకేతిక సహాయాలను బ్యాంకు ప్రతినిధులు పవన్‌కి వివరించారు. అదే తరహాలో బ్లూ ఎకానమీ ప్రాజెక్ట్​ను ఆంధ్రప్రదేశ్​లోనూ అమలు చేసేందుకు ఉన్న అనుకూలతలను వారికి ఆయన వివరించారు. ఇందుకు సంబంధించిన ఆర్థిక సహాయం అందించాలని పవన్ కల్యాణ్ వారిని కోరారు. ఇందుకు వరల్డ్ బ్యాంకు ప్రతినిధులు సానుకూలంగా స్పందించారు.