జగన్ బస్సుయాత్రలో ఉద్రిక్తత - పోలీసులకు నాయకులకు తోపులాట - CM Jagan Bus Yatra

Tension in CM Jagan Bus Yatra: నెల్లూరు జిల్లా కోవూరులో జరిగిన ముఖ్యమంత్రి జగన్ సిద్ధం బస్సు యాత్రలో (CM Jagan Bus Yatra) స్వల్ప ఉద్రిక్తత చోటుచేసుకుంది. 9వ రోజు నెల్లూరు రూరల్ నియోజకవర్గం చింతారెడ్డిపాలెం జాతీయ రహదారి మీదగా ఈ బస్సు యాత్ర ప్రారంభమైంది. కోవూరు, రాజుపాలెం, తిప్ప, సున్నం బట్టి మీదుగా కావలికి బస్సు యాత్ర సాగనుంది. అనంతరం అక్కడ జరిగే సభలో సీఎం జగన్ ప్రసంగించనున్నారు. 

బస్సు యాత్ర కోవూరుకు రావడంతో వైసీపీ నేతలు భారీగా జనాల్ని సమీకరించారు. జాతీయ రహదారిపై ఇరువైపులా కార్యకర్తలు, నాయకులు నిలబడటంతో వాహన రాకపోకలకు ఇబ్బందులు తలెత్తాయి. దీంతో పోలీసులు వైసీపీ నాయకులను పక్కకు నెట్టడంతో ఉద్రిక్తత ఏర్పడింది. తమ నాయకులనే నెడతారా అంటూ పోలీసులను వైసీపీ కార్యకర్తలు తొయ్యడంతో ఇరువర్గాల మద్య తోపులాట జరిగింది. దీంతో నాయకులు కల్పించుకుని సర్ది చెప్పడంతో ఘర్షణ సద్దుమణిగింది. అనంతరం బస్సు యాత్రలో వచ్చిన జగన్ కార్యకర్తలకు అభివాదం చేస్తూ ముందుకు సాగారు.