Live: నెల్లూరులో చంద్రబాబు రా కదలి రా సభ - ప్రత్యక్షప్రసారం

Chandrababu Ra kadali Ra Meeting Live: టీడీపీ రా కదలిరా సభలతో తెలుగు దేశం శ్రేణుల్లో ఉత్సాహం ఉప్పొంగుతుండగా ఇదే సమయంలో వైఎస్సార్సీపీలో రాజీనామాల పర్వం ఆ పార్టీ నేతలను ఆందోళనకు గురిచేస్తోంది. ఇవాళ నెల్లూరు, పల్నాడుల్లో రా కదలి రా సభలు జరగనుండగా వైఎస్సార్సీపీ నేతలు పెద్ద ఎత్తున చంద్రబాబు సమక్షంలో సైకిలెక్కనున్నారు.నెల్లూరులో సభ తర్వాత సాయంత్రం 4గంటలకు హెలికాఫ్టర్‌లో చంద్రబాబు దాచేపల్లి చేరుకుంటారు. దాచేపల్లి (Dachepalli) జరిగే రా కదిలిరా సభలో పాల్గొంటారు. ఈ సభా వేదికగానే టీడీపీలో చేరనున్నట్లు లావు కృష్ణదేవరాయలు ప్రకటించారు. పల్నాడు అభివృద్ధి కోసం ప్రజలకు తనకు మద్దతివ్వాలని కోరారు. దాచేపల్లి గ్రామంలో తెలుగుదేశం పార్టీ రా కదలిరా సభకు భారీగా ఏర్పాట్లు చేశారు. సుమారు లక్ష మంది అభిమానులు, కార్యకర్తలు హాజరవుతారని నాయకులు అంచనా వేస్తున్నారు. నరసరావుపేట పార్లమెంటరీ పరిధిలో తెలుగుదేశం - జనసేన నాయకులు, కార్యకర్తలు, అభిమానులు భారీగా తరలిరావాలని తెలుగుదేశం నాయకులు ఎరపతినేని శ్రీనివాసరావు పిలుపునిచ్చారు.