LIVE : అసెంబ్లీ మీడియా పాయింట్​ వద్ద కేటీఆర్​ మీడియా సమావేశం - KTR press meet live

BRS Leaders Press meet at Assembly Media Point : రంగారెడ్డి జిల్లా మహేశ్వరం నియోజకవర్గంలో బోనాల పండగ చెక్కుల పంపిణీ కార్యక్రమం రసాభాసగా మారిన విషయం తెలిసిందే. ప్రొటోకాల్​ ఉల్లంఘించి కాంగ్రెస్​ నాయకుడితో చెక్కులు పంపిణీ చేయించడంపై బీఆర్​ఎస్​ ఎమ్మెల్యే సబితారెడ్డి ఆగ్రహం వ్యక్తం చేశారు. ఈ మేరకు వేదిక ముందు కింద కూర్చొని నిరసన తెలిపారు. కేఎల్​ఆర్​ను వేదికపైకి ఆహ్వానించడంపై సబితారెడ్డి ఆగ్రహం వ్యక్తం చేశారు. ఏ అర్హతతో ఆయనను ఆహ్వానించారని ప్రశ్నించారు. ఆ మాటలను పట్టించుకోని నిర్వాహకులు ఆయనను వేదిక పైకి పిలిచారు. ఆయన వచ్చి కుర్చీలో కూర్చోగానే ఆమె వెంటనే లేచి వెళ్లి వేదిక ముందు కింద కూర్చొని నిరసన తెలిపారు. ఈ వ్యవహారంపై బీఆర్​ఎస్​ నేతలు ఆగ్రహం వ్యక్తం చేశారు. నేడు కేటీఆర్​, హరీశ్​రావు వెళ్లి శాసనసభాపతికి ఈ వ్యవహారంపై ఫిర్యాదు చేశారు. అనంతరం అసెంబ్లీ మీడియా పాయింట్​ వద్ద మీడియాతో మాట్లాడారు.