మోటో ఏఐ సూట్​తో కొత్త ఫోన్ లాంచ్- 5ఏళ్ల ఓఎస్, సెక్యూరిటీ అప్డేట్స్​తో స్పెషల్ ఆఫర్స్! - Motorola Edge 50 Neo Launched

Motorola Edge 50 Neo Launched: మార్కెట్లోకి మరో కొత్త ఫోన్ వచ్చింది. మోటోరోలా కంపెనీ తన సరికొత్త ఎడ్జ్‌ 50 నియో 5జీ ఫోన్‌ను ఇండియన్ మార్కెట్లో లాంచ్ చేసింది. మరెందుకు ఆలస్యం దీని ధర, ఫీచర్లపై ఓ లుక్కేద్దాం రండి.

Motorola Edge 50 Neo Launched: ప్రముఖ స్మార్ట్​ఫోన్ తయారీ సంస్థ మోటోరోలా మరో సరికొతత్ స్మార్ట్​ఫోన్​ను మార్కెట్లోకి తీసుకొచ్చింది. ఎడ్జ్‌ సిరీస్‌లో ఎడ్జ్‌ 50, ఎడ్జ్‌ 50 ఫ్యూజన్‌, ఎడ్జ్‌ 50 అల్ట్రా వంటి ఫోన్లను ఇది వరకే లాంచ్ చేయగా.. తాజాగా ఎడ్జ్‌ 50 నియో మొబైల్​ను రిలీజ్ చేసింది. మోటోరోలా ఈ మొబైల్​లో తన సొంత ఆర్టిఫిషియల్‌ ఇంటెలిజెన్స్‌ మోటో ఏఐ సూట్‌ను అందిస్తోంది.

సెప్టెంబర్‌ 16 సాయంత్రం 7 గంటలకు ఫ్లిప్‌కార్ట్‌లో స్పెషల్‌ సేల్ నిర్వహిస్తున్నట్లు మోటోరోలా తెలిపింది. సెప్టెంబర్‌ 24 నుంచి అమ్మకాలు ప్రారంభమవుతాయని, మోటోరోలా ఇండియా వెబ్‌సైట్‌, ఫ్లిప్‌కార్ట్, ఇతర రిటైల్‌ స్టోర్లలో ఈ కొత్త మొబైల్స్ విక్రయాలు జరుగుతాయని తెలిపింది. హెచ్​డీఎఫ్​సీ బ్యాంకు కార్డులపై రూ.1,000 డిస్కౌంట్‌తో పాటు ఎక్స్ఛేంజ్‌ బోనస్‌పై అదనంగా మరో రూ.1,000 డిస్కౌంట్‌ పొందొచ్చు. రిలయన్స్‌ జియోతో పాటు రూ.10వేలు విలువైన ప్రయోజనాలను బండిల్డ్‌ ఆఫర్‌ కింద అందిస్తున్నారు. ఈ నేపథ్యంలో దీని ధర, ఫీచర్ల గురించి మరిన్ని వివరాలు మీకోసం.

మోటోరోలా ఎడ్జ్‌ 50 నియో ఫీచర్లు:

• ప్యానెల్‌: 6.4 అంగుళాల ఫ్లాట్‌ ఎల్‌టీపీఓ పీఓల్‌ఎఈడీ
• ప్రాసెసర్‌: మీడియాటెక్‌ డైమెన్‌సిటీ 7300
• 1.5K రిజల్యూషన్‌ కలిగిన స్క్రీన్‌
• 3000 నిట్స్‌ పీక్‌ బ్రైట్‌నెస్‌
• కార్నింగ్‌ గొరిల్లా గ్లాస్‌ 3 ప్రొటెక్షన్‌
• మెయిన్ కెమెరా: 50 ఎంపీ
• ఫ్రంట్ కెమెరా: 32 ఎంపీ
• యాంగిల్‌ కెమెరా: 13 ఎంపీ అల్ట్రా వైడ్‌
• టెలిఫొటో లెన్స్‌: 10 ఎంపీ
• బ్యాటరీ: 4310 ఎంఏహెచ్‌
• 68W టర్బో పవర్‌ సూపర్‌ ఫాస్ట్‌ ఛార్జింగ్‌

వేరియంట్స్: ఎడ్జ్‌ 50 నియో కేవలం సింగిల్‌ వేరియంట్‌లో మాత్రమే మార్కెట్లో అందుబాటులో ఉంది.

• 8జీబీ+256 జీబీ వేరియంట్

  Sleek, durable, and MIL-810H certified, the #MotorolaEdge50Neo shines with Sony - LYTIA™ 700C, Adaptive Stabilization, and Pantone colors. 📱✨
  
  Launched with 8+256GB at ₹22,999/-, sale starts 24 Sep @Flipkart, https://t.co/YA8qpSXba4 & leading stores.#ReadyForAnything

  — Motorola India (@motorolaindia) September 16, 2024

కలర్ ఆప్షన్స్:

• పాంటోన్-సర్టిఫైడ్ నాటికల్ బ్లూ
• లాట్టే
• గ్రిసైల్
• పోయిన్సియానా వేగన్ లెదర్ ఎండ్
• ధర: రూ.23,999
  

  Motorola_Edge_50_Neo_Launched (Motorola)

సొంత ఆర్టిఫిషియల్‌ ఇంటెలిజెన్స్‌: ఈ మొబైల్​లో మోటోరోలా తన సొంత ఆర్టిఫిషియల్‌ ఇంటెలిజెన్స్‌ మోటో ఏఐ సూట్‌ను అందిస్తోంది. ఈ మోటో ఏఐ సూట్‌ సాయంతో ఫొటో ప్రాసెసింగ్‌, స్టైల్‌ సింక్‌, అడాప్టివ్‌ స్టెబిలైజేషన్‌ 30ఎక్స్‌ సూపర్‌ జూమ్‌ వంటి కెమెరా ఫీచర్లు ఈ కొత్త ఫోన్​లో పొందొచ్చు. ఈ స్మార్ట్‌ఫోన్‌లో 8జీబీ వరకు వర్చువల్‌ ర్యామ్‌ పెంచుకోవచ్చు. ఔటాఫ్‌ది బాక్స్‌ ఆండ్రాయిడ్‌ 14తో వస్తున్న దీనికి ఐదేళ్ల పాటు ఓఎస్‌ అప్‌డేట్స్‌, ఐదేళ్ల పాటు సెక్యూరిటీ అప్‌డేట్స్‌ అందిస్తామని మోటోరోలా చెబుతోంది.