Infinix AI Launched Globally: ఇటీవల గూగుల్ తన జెమిని ఏఐ, శాంసంగ్ తన గెలాక్సీ ఏఐ ప్లాట్ఫారమ్స్ను ప్రారంభించాయి. వీటి వినియోగంపై ప్రపంచవ్యాప్తంగా యూజర్స్ ఉత్సాహం కనబరుస్తున్నారు. దీంతో ఇలాంటి సమయంలో ఇన్ఫినిక్స్ కూడా తన సొంత ఏఐ ప్లాట్ఫారమ్ను లాంచ్ చేసింది. ఈ కొత్త ప్లాట్ఫారమ్ అధునాతన టెక్నాలజీ ద్వారా యూజర్స్కు ప్రత్యేకమైన అనుభవాన్ని అందించడమే లక్ష్యంగా పెట్టుకుంది.
ఇన్ఫినిక్స్ ఏఐ: ఇన్ఫినిక్స్ ఏఐలో Folex ఉంది. ఇది ఇన్ఫినిక్స్ ఫ్లాగ్‌షిప్ మోడల్స్ను GPT-4o, జెమిని వంటి అడ్వాన్స్డ్ ఎక్స్టెర్నల్ మోడల్స్తో కనెక్ట్ చేసే ఒక వర్చువల్ అసిస్టెంట్. ఈ ఇంటిగ్రేషన్ వినియోగదారులకు రోబస్ట్ అండ్ వర్సిటైల్ అసిస్టెంట్ను అందిస్తుంది. ఇన్ఫినిక్స్ ఏఐలోని Folax.. టెక్స్ట్, వాయిస్, ఇమేజ్తో సహా మల్టిపుల్ ఇన్పుట్ టైప్స్ను సపోర్ట్ చేస్తుంది. ఇది ఇతర ఏఐ అసిస్టెంట్స్ల మాదిరిగానే రియల్- టైమ్ ఫీడ్బ్యాక్, కస్టమైజ్డ్ రికమండేషన్స్ను అందిస్తుంది. ఇది యూజర్స్ అవసరాలకు తగినట్లుగా వర్సిటైల్ డివైజ్గా పనిచేస్తుంది.
ఇన్ఫినిక్స్ ఏఐ కూడా పర్సనల్, బిజినెస్ ప్రయోజనాలకు అనుగుణంగా ఉండే ఫీచర్స్ను కలిగి ఉంది. వినియోగదారులు ఫొటోలు, డాక్యుమెంట్స్ నుంచి సమాచారాన్ని పొందొచ్చు. లైవ్ టెక్స్ట్ను కూడా యాక్సెస్ చేయొచ్చు. ఈ ఫంక్షనాలిటీ డేటా పునరుద్ధరణను వేగవంతం చేస్తుంది. అవసరమైన సమాచారాన్ని త్వరగా యాక్సెస్ చేయాల్సిన స్టూడెంట్స్, ప్రొఫెషనల్స్, రీసెర్చ్ చేసేవారికి ఇది ఉపయోగపడుతుంది.
ఈ ప్లాట్ఫారమ్ రైటింగ్ టూల్స్ రియల్ టైమ్లో గ్రామర్ చెక్స్, కంటెంట్ రీరైటింగ్, స్టైల్ కరెక్షన్స్ను అందించి టెక్స్ట్ను ఇంప్రూవ్ చేస్తుంది. క్రియేటివ్ యూజర్స్ కోసం, మ్యాజిక్ క్రియేటివ్ ఆలోచనలకు జీవం పోయడంలో ఇవి సహాయపడతాయి.
సోషల్ మీడియా పోస్ట్‌లను క్రియేట్ చేయాలనుకున్నా లేదా స్టోరీబోర్డ్‌లను సృష్టించాలన్నా ఈ ఫీచర్ క్రియేటివ్ ప్రాసెస్కు సపోర్ట్ చేస్తుంది. పర్యాటకులు ఫోటోల నుంచి ల్యాండ్ మార్క్స్, కల్చరల్ సైట్స్ గురించి వివరణాత్మక సమాచారాన్ని పొందడానికి 'విజువల్ లుక్ అప్‌'ని ఉపయోగించొచ్చు. ఈ ఫీచర్ మెరుగైన సమాచారం అందించి మీ ట్రావెల్ ఎస్క్పీరియన్స్ను మరింత మెరుగుపరుస్తుంది.
ఇన్ఫినిక్స్ ఏఐ.. మిడిల్ ఈస్ట్, సబ్-సహారా ఆఫ్రికా, యూరప్, ఆగ్నేయాసియా వంటి ప్రాంతాల్లో సాంస్కృతిక సౌందర్యానికి అనుగుణంగా AI వాల్పేపర్లను కూడా అందిస్తుంది. యూజర్స్ వారికి నచ్చిన స్టైల్లో బ్యాక్గ్రౌండ్స్ను సెట్ చేసుకుని ఎంజాయ్ చేయొచ్చు.
ఇవేకాక ఏఐ ఎరేజర్, స్మార్ట్ కటౌట్, AI స్కెచ్ వంటి అదనపు టూల్స్ కూడా ఇందులో ఉన్నాయి. వీటితో హై- క్వాలిటీ విజువల్స్ను ఈజీగా క్రియేట్ చేసుకోవచ్చు. ఈ ఫీచర్స్ కష్టతరమైన పనులను సింపుల్ చేస్తూ వినియోగదారుల అనుభవాన్ని మెరుగుపరుస్తాయి. భవిష్యత్తును దృష్టిలో ఉంచుకుని నేచురల్ లాంగ్వెజ్ ప్రశ్నలు, మొబైల్ డేటా, బ్యాలెన్స్ ఎంక్వైరీల కోసం స్మార్ట్ సెర్చ్ వంటి ఫీచర్లతో ఇన్ఫినిక్స్ తన ఏఐ సామర్థ్యాలను విస్తరించాలని యోచిస్తోంది.
పండగ వేళ హీరో మోటోకార్ప్కు షాక్- రిటైల్ సేల్స్లో నంబర్ వన్గా హోండా
వాహన ప్రియులకు గుడ్న్యూస్- త్వరలో మార్కెట్లోకి హ్యుందాయ్ క్రెటా స్పెషల్ ఎడిషన్
