How To Clean AirPods Safely : ప్రస్తుత కాలంలో ఫోన్ వాడుతున్న ప్రతి ఒక్కరూ ఇయర్ ఫోన్స్ లేదా ఎయిర్పాడ్స్ను వినియోగిస్తున్నారు. చేతిలో ఫోన్ ఉన్నట్లే చాలా మంది చెవులకు ఎయిర్పాడ్స్ ఉంటున్నాయి. అయితే చాలా మంది వాటిని వాడడమే తప్ప వాటి శుభ్రతపై దృష్టి సారించరు. ఎయర్పాడ్స్లో దుమ్ము, ధూళి చేరితే అవి వేగంగా పాడైపోతాయి. అంతేకాదు సౌండ్ క్లారిటీ లేక యూజర్లు ఇబ్బంది పడాల్సి వస్తుంది. అందుకే ఎయిర్పాడ్స్ను ఎప్పటికప్పుడు శుభ్రం చేసుకోవాలి. అప్పుడే వాటి లైఫ్స్పాన్ పెరుగుతుంది. అందుకే ఈ ఆర్టికల్లో ఎయిర్పాడ్స్ ఎలా శుభ్రం చేయాలి? క్లీన్ చేసేటప్పుడు ఎలాంటి జాగ్రత్తలు తీసుకోవాలి? అనే విషయాలు తెలుసుకుందాం.
What To Avoid When Cleaning AirPods :
యాపిల్ కంపెనీకి చెందిన ఎయిర్పాడ్స్ చిన్న సైజులో, చాలా సున్నితంగా ఉంటాయి. కనుక వాటిని శుభ్రపరచడం చాలా కష్టంగా ఉంటుంది. పైగా ఈ యాపిల్ కంపెనీ ప్రొడక్ట్ (ఎయిర్పాడ్స్) చాలా ఖరీదైనది. కనుక వీటిని శుభ్రం చేసేటప్పుడు చాలా జాగ్రత్తగా ఉండాలి. ముఖ్యంగా ఎయిర్పాడ్స్ను శుభ్రం చేయడానికి పిన్లు లేదా సూదులు లాంటి వాటిని ఉపయోగించకూడదు. ఎందుకంటే అవి స్పీకర్లలోని సున్నితమైన భాగాలను దెబ్బతీస్తాయి. అలాగే నీళ్లతో ఎయిర్పాడ్స్ను క్లీన్ చేయకూడదు. బ్లీచింగ్ పౌడర్, హైడ్రోజన్ పెరాక్సైడ్ లాంటి కెమికల్స్ కూడా వాడకూడదు.
ఎయిర్పాడ్స్ను ఎలా క్లీన్ చేయాలంటే?
- ఎయిర్పాడ్స్ను శుభ్రం చేయడానికి దూది(కాటన్), టూత్‌పిక్, డెంటల్ ఫ్లొస్ స్టిక్ , ఐసోప్రొపైల్ ఆల్కహాల్, లాండ్రీ సబ్బు, పొడి గుడ్డ, గోరువెచ్చని నీళ్లు ఉపయోగించాలి.
- ఎయిర్పాడ్స్ శుభ్రం చేయడానికి ముందు వాటిని ఇతర డివైజ్ల నుంచి డిస్కనెక్ట్ చేయాలి. తరువాత వాటిని ఆఫ్ చేయాలి. ఆ తరువాత మాత్రమే పొడిగుడ్డతో దానిని ఉపరితలాన్ని శుభ్రంగా తుడవాలి.
- మెత్తటి కాటన్ గుడ్డను నీటిలో ముంచి ఎయిర్పాడ్స్ బయట సున్నితంగా తుడవాలి. ఛార్జింగ్ పోర్ట్, స్పీకర్ గ్రిల్స్లో తేమ చేరకుండా చూసుకోవాలి. ఎందుకంటే తేమ చేరితే ఎయర్పాడ్స్ లోపలి భాగాలు దెబ్బతింటాయి.
- తడి బట్టతో తుడిచిన తరువాత ఎయిర్పాడ్స్ను పొడి గుడ్డతో శుభ్రంగా తుడవాలి. ఈ తడి పూర్తిగా ఆరిపోయే వరకు ఎయిర్పాడ్స్ను ఇతర డివైజ్లతో కనెక్ట్ చేయకూడదు.
- ఇయర్బడ్స్ను ఐసోప్రొపైల్ ఆల్కహాల్లో ముంచి, స్పీకర్ గ్రిల్స్ను, మెష్‌ను సున్నితంగా క్లీన్ చేయాలి.
- స్పీకర్ గ్రిల్స్, మైక్ అవుట్ లెట్స్, ఛార్జింగ్ పాయింట్స్ చాలా చిన్నగా ఉంటాయి. వాటిలోపల కూడా దుమ్ము ఉండే అవకాశం ఉంది. కనుక క్లాత్తో తుడవడానికి వీలుపడదు. మెత్తటి బ్రష్ లేదా చిన్న సిలికాన్ పేస్ట్రీ బ్రెష్ సాయంతో వాటిని క్లీన్ చేయండి. ఈ విధంగా మీరు ఇంట్లోనే ఉండి, చాలా తేలికగా ఎయిర్బడ్స్ను క్లీన్ చేసుకోవచ్చు.
రూ.2వేల బడ్జెట్లో మంచి స్మార్ట్వాచ్ కొనాలా? టాప్-10 ఆప్షన్స్ ఇవే! - Best Smart Watch Under 2000
యాపిల్ యూజర్స్కు గుడ్ న్యూస్ - ఇకపై పాత ఫోన్ పార్ట్స్‌తో రిపేర్‌! - Apple Expands Repair Options
