Coca Cola AD for Christmas: త్వరలో క్రిస్మస్ పండగ రాబోతుంది. ఇండియాలో క్రిస్టియన్స్ తక్కువగా ఉన్నప్పటికీ అమెరికా వంటి దేశాల్లో ఈ ఫెస్టివల్ను చాలా వైభవంగా జరుపుకొంటారు. ఈ నేపథ్యంలో ఎప్పటిలాగే కోకా-కోలా ఈసారి కూడా తన క్రిస్మస్ యాడ్ను రిలీజ్ చేసింది. అయితే హాలిడేస్ ఎక్సైట్మెంట్తో ఆన్లైన్లో రిలీజ్ అయిన ఈ యాడ్పై విమర్శలు వెల్లువెత్తుతున్నాయి. దీనికి కారణం ఏంటంటే?
సమాచారం ప్రకారం.. 15-సెకన్ల ఈ యాడ్ 1995 ఐకానిక్ 'హాలిడేస్ ఆర్ కమింగ్' ప్రచారాన్ని రీక్రియేట్ చేసింది. ఈ యాడ్లో.. ఫెస్టివ్ హాలీడేస్ సమయంలో మంచు సోయగాలతో నిండి ఉన్న నగరానికి సోడా డెలివరీ చేసే కోకా-కోలా ట్రక్కుల కాన్వాయ్ వెళ్లడం కన్పిస్తుంది. అయితే ఈ యాడ్ వీక్షకులను పెద్దగా ఆకట్టుకోలేకపోయింది. దీనికి ప్రధాన కారణం కంపెనీ ఏఐతో దీన్ని క్రియేట్ చేయడమే.
కోకా-కోలా ఈ ప్రకటన కంపెనీ 'Real Magic AI' సాఫ్ట్వేర్ను ఉపయోగించి క్రియేట్ చేసినట్లు తెలిపింది. ఈ యాడ్లోని క్యారెక్టర్స్, ఫెస్టివ్ సీన్స్ అన్నీ ఏఐ జనరేటెడ్ విజువల్స్ అని పేర్కొంది. ఈ గ్లోబల్ పానీయాల దిగ్గజం యాడ్ తన ట్రెడిషనల్ బ్రాండ్ హెరిటేజ్ ఫ్యూచర్ టెక్నాలజీతో కంబైన్ చేస్తుందని పేర్కొంది.
అయితే ఈ వారంలో ప్రసారం మొదలైన ఈ యాడ్ తీవ్ర విమర్శలను ఎదుర్కొంటోంది. సోషల్ మీడియా యూజర్స్ దీన్ని "creepy", "depressing", "soulless" గా అభివర్ణిస్తున్నారు. ఎంతో ప్రాముఖ్యమైన క్రిస్మస్ వేడుకల నేపథ్యంలో క్రియేట్ చేసిన ఈ ప్రకటనలో మానవ కళాత్మకత లేకపోవడంపై ప్రశ్నిస్తున్నారు. ఏఐ టెక్నాలజీని ఉపయోగించి రూపొందించిన ఈ ప్రకటన హ్యూమన్ ఎమోషన్స్ను క్యారీ చేయలేకపోయిందంటూ విమర్శిస్తున్నారు.
'ఎక్స్'లో ఈ యాడ్ చూసిన ఓ వీక్షకుడు 'క్రిస్మస్ కోకాకోలా యాడ్ను ఏఐతో రూపొందిస్తే ప్రపంచ అంతం అయిపోతుందని అన్నారు. దీనిపై మరో యూట్యూబ్ యూజర్.. 'ఏఐతో యాడ్ను క్రియేట్ చేయడం చాలా బాధను కలిగిస్తుంది' అని కామెంట్ చేశారు. మరో ఎక్స్ వైరల్ పోస్ట్లో 'ఏఐ రూపొందించిన కోకా-కోలా యాడ్ని నేను ఇప్పుడే చూశాను. సీరియస్గా దీన్ని మనం ఎలా అనుమతిస్తాం?' అని అన్నారు. ఇదిలా ఉండగా కోకాకోలా తన నిర్ణయాన్ని భవిష్యత్తుకు ఒక అడుగుగా అభివర్ణించింది.
మస్క్‌కు బిగ్‌షాక్‌- 'ఎక్స్'ను వీడి 'బ్లూ స్కై'లోకి యూజర్స్- కారణం ఇదే!
రిస్ట్ వాచ్ కాదు.. రింగ్ వాచ్.. ఇది పెట్టుకుంటే మీరే సూపర్ స్మార్ట్!
