Android 15 Google Messages Feature : గూగుల్ కంపెనీ ఆండ్రాయిడ్ 15 గురించి పెద్ద అప్డేట్ ఇచ్చింది. త్వరలో విడుదల కానున్న బీటా వెర్షన్లో అద్భుతమై ఫీచర్ను తీసుకొస్తుంది. అదే ఆండ్రాయిడ్ 15లో వస్తున్న ఫీచర్ శాటిలైట్ మెసేజింగ్. దీని ద్వారా అత్యవసర పరిస్థితుల్లో ఎక్కడ నుంచి అయినా, ఎవరికైనా మెసేజ్ చేసుకోవచ్చు. అది కూడా వైఫై లేదా మొబైల్ నెట్వర్క్ సిగ్నల్స్ లేకుండా కూడా మారుమూల ప్రాంతాల్లో కూడా ఉపయోగించే విధంగా తీసుకురానుంది.
ఇప్పటికే ఐఫోన్స్లో ఈ శాటిలైట్ ఫీచర్ ఉంది. కానీ, అది అత్యవసర సేవలకు మాత్రమే పరిమితం. అండ్రాయిడ్ 15 బీటా వెర్షన్లో మాత్రం ఈ ఫీచర్ కేవలం అత్యవసర సేవలకే కాకుండా మెసేజ్లు పంపించడానికి, అలాగే తిరిగి రిసీవ్ చేసుకునే విధంగా ఉంటుంది. అయితే ఈ శాటిలైట్ మెసేజింగ్ ఫీచర్ ఎలా పనిచేస్తుందననే దాని గురించి కూడా విషయాలను వెల్లడించింది. మెసేజ్లను పంపడానికి లేదా రిసీవ్ చేసుకునేందుకు శాటిలైట్ కనెక్టివిటీ ఉండేలా బయట ఉండాలి అని గూగుల్ తెలిపంది. ఈ ఫీచర్ మెసేజ్లకు మాత్రమే ఉపయోగపడుతుంది. ఫొటోలు, వీడియోలు వంటివి పంపడం కుదరదు.
ఐఫోన్ కన్నా భిన్నంగా
మార్చిలో ఆండ్రాయిడ్ వినియోగదారులు మారుమూల ప్రాంతాల్లో, ఎమర్జెన్సీ సమయాల్లో ఎవరికైనా మెసేజ్ చేస్తే బాగుంటుందని కోరుకుంటున్నట్లు తెలుసుకున్నామని గూగుల్ తెలపింది. అందుకే ఆండ్రాయిడ్ 15 బీటా వెర్ష్లో శాటిలైట్ మెసేజింగ్ ఫీచర్ను తీసుకొస్తున్నామని చెప్పింది. ఈ ఫీచర్ యాపిల్ ఎస్ఓఎస్కు భిన్నంగా ఉంటుందని వివరించింది. ఎమర్జెన్సీ కాల్స్ కాకుండా దీని ద్వారా త్వరలో ఎవరికైనా మెసేజ్ చేసుకోవచ్చు అని గూగుల్ తెలిపింది.
ఆండ్రాయిడ్ 15 ప్రివ్యూ
గూగుల్ కంపెనీ ఆండ్రాయిడ్లో పెద్ద అప్డేట్స్ ఇస్తుంది. ప్రస్తుతానికి ఫస్ట్ డెవలపర్ ప్రివ్యూను మాత్రమే రిలీజ్ చేసింది. త్వరలోనే దీని సెకండ్ ప్రివ్యూ, బీటా వెర్షన్ విడదల కానున్నాయి. అయితే గూగుల్ కంపెనీ ఈ ఆండ్రాయిడ్ 15 అప్డేట్లో 3 కీలకమైన అంశాలపై దృష్టి కేంద్రీకరించింది. అవి ప్రైవసీ/ సెక్యూరిటీ, సపోర్టింగ్ క్రియేటర్స్ అండ్ డెవలపర్స్, మాక్సిమైజింగ్ యాప్ పెర్ఫార్మెన్స్. ఆండ్రాయిడ్ 15లో ఉన్న ఫీచర్స్ గురించి తెలుసుకోవాలంటే ఈ లింక్ పై క్లిక్ చేయండి.
స్టన్నింగ్ ఫీచర్స్తో టయోటా టైజర్ లాంఛ్ - ధర ఎంతంటే? - Toyota Taisor Launch
మీ స్మార్ట్ఫోన్ ఛార్జింగ్ త్వరగా అయిపోతుందా? ఈ సింపుల్ టిప్స్తో అంతా సెట్!
