Hybrid Medical Bed Mattress: అధునాతన సాంకేతికను జోడించి హైబ్రిడ్ మెడికల్ బెడ్ను అందరిని అబ్బురపరస్తున్నారు కానూరు విఆర్ సిద్ధార్థ ఇంజినీరింగ్ కళాశాల్లో ఈఈఈ చదువుతున్న విద్యార్థులు. రెహన్, సందీప్, సాయిరాం కృష్ణ ఒక బృందంగా ఏర్పడి తమ మేధస్సుకు పదును పెట్టి ఈ బెడ్ను రుపొందించారు. అత్యవసర పరిస్థితుల్లో రోగులను స్ట్రేచర్పై తీసుకువెళ్తుంటారు. వైద్య సేవలు అందించేందుకు ఒక గది నుంచి మరొక గదికి మార్చుతుంటారు. ఇలా మార్చే క్రమంలో గాయాలపాలైన వారి శరీర భాగాలు ఎక్కువగా కదలడంతో నొప్పి ఎక్కువై నరకం చూడాల్సి వస్తోంది. ఆ ఇబ్బందులను దూరం చేసేందుకు విద్యార్థులు ఈ మెడికల్ బెడ్ను అందుబాటులోకి తీసుకువచ్చారు.
ఈ బెడ్లో స్ట్రచ్చర్ పార్ట్, విల్ చైర్ పార్ట్, స్టేషనరీ పార్ట్ అనే మూడు విభాగాలు పొందుపరిచారు. ప్రస్తుతం పెద్ద హస్పిటల్స్లో ఉన్న బెడ్స్ను కూడా వీల్ చైర్లో మార్చుకునే సౌకర్యం ఉంది కాకపోతే వాటిని చేతితో తిప్పాలి, కానీ ఈ విద్యార్థులు రుపొందించిన బెడ్లో మొబైల్ ద్వారా స్ట్రచ్చర్, వీల్ చైర్, స్టేషనరీ పార్ట్స్గా మార్చుకునే సౌకర్యాన్ని పొందుపరిచారు. స్ట్రచ్చర్ పార్ట్లో రోగిని ఎత్తకుండా అంబులెన్స్ నుంచి ఐసియూ వరకు తీసుకు వెళ్లవచ్చని విద్యార్థులు అంటున్నారు. అలాగే వీల్ చైర్ పార్ట్ను మొబైల్ ద్వారా కన్వెట్ చేసుకోవచ్చని అన్నారు.
రోగి అవసరాలకు అనుగుణంగా స్టేషనరీ పార్ట్ను కూడా అభివృద్ధి చేశామని, దీనిలో రోగికి పెట్టే సెలైన్ ఆటో మిషన్ ను ఏర్పాటు చేశామన్నారు. ఈ బెడ్లో హెల్త్ సెన్సార్స్ కూడా విద్యార్థులు అమర్చారు. ఈ సెన్సార్ ద్వారా 15 నిమిషాలకు ఒకసారి రోగి స్థితిగతులు తెలుసుకునే అవకాశం ఉందని విద్యార్థులు అంటున్నారు. బెడ్పై ఉన్న రోగి శరీర ఉష్ణోగ్రత, రక్తపొటు, గుండె వేగం, రోగి ఉన్న గది ఉష్ణోగ్రత తదితర వివరాలను తెలుసుకొవచ్చని తెలిపారు. 15 నిమిషాలకు ఒకసారి రోగి ఆరోగ్య వివరాలు కంట్రోల్ ప్యానల్కు అందిస్తుందని, అక్కడి నుంచి డాక్టర్ తెలుసుకొవచ్చని చెప్పారు.
ముందుగా కార్పొరేట్ హస్పిటల్స్ ఉన్న ఐసియూ బెడ్స్ను పరిశీలించామని, వాటి కంటే మెరుగైన సౌకర్యాలు కల్పించేలా ఈ ప్రాజెక్టును రుపొందించామని విద్యార్థులు అంటున్నారు. చాలామంది ఇళ్లలో వైఫై సౌకర్యం ఉండకపొవచ్చని, అందుకే బెడ్కు అనుసంధానంగా వైఫై సౌకర్యంతో ఏర్పాటు చేశామని తెలిపారు. ప్రతి 15 నిమిషాలకు బెడ్ ద్వారా వచ్చే సమాచారంతో వైద్యులు తమ గది నుంచే రోగి ఆరోగ్య పరిస్థితిని తెలుసుకునే వెసులుబాటును కల్పించామన్నారు.
సాధారణ బెడ్లతో అయితే రోగిని ఇతర గదికి తీసుకువెళ్లాలంటే నర్సుకు ఎవరో ఒకరి సహయం కావాల్సి వస్తుందని, తాము రుపొందిన బెడ్తో అయితే వీల్ చైర్గా మార్చుకుని ఎవరి సహయం లేకుండా నర్సు ఒక్కరే రోగిని ఎక్కడి కావాలంటే అక్కడికి తీసుకు వెళ్లవచ్చని చెప్పారు. రోగికి ఏదైనా వైద్య అవసరం ఏర్పాడితే ఆ వ్యర్థాల కోసం ప్రత్యేకంగా ఈ బెడ్ లోనే శానిటరీ పార్ట్ కూడా సిద్దం చేశామన్నారు. ఒకరి సహయంపై ఆధారపడాటానికి ఇష్టపడని వారికి ఈ బెడ్ ఎంతగానో ఉపయోపడుతుందన్నారు.
సాధారణంగా అయితే రాత్రి సమయాల్లో నైట్ వైద్యులు, సిబ్బంది రోగి ఆరోగ్య పరిస్థితిని గమనిస్తూ ఉంటారు. సాయంత్రం సమయంలో రోగులను పరిక్షించి వెళ్లిపోతారు. ఒక వేళ రాత్రి సమయంలో రోగికి ఎదైనా అత్యవసరం అయితే బెడ్లో ఉండే సెన్సార్ ప్రతి 15 నిమిషాలకు ఇచ్చే సమాచారం ఎంతో ఉపయోగపడుతుందని అంటున్నారు. వైద్యులు ఆ సమాచారాన్ని పరిక్షిస్తే రోగి ఆరోగ్య వివరాలు తెలుస్తాయని చెప్పారు.
కొంతమందికి ఆరోగ్యం ఎంత ఇబ్బంది పెడుతున్నా హస్పిటల్లో ఉండి చికిత్స పొందేందుకు మాత్రం పెద్దగా ఆసక్తి చూపించరు. అటువంటి వారు ఈ బెడ్ను వినియోగిస్తూ వైద్య సహయం పొందొచ్చని విద్యార్థులు చెబుతున్నారు. ఈ బెడ్ను రెండు రకాలుగా మార్కెట్లోకి తీసుకువద్దామని అనుకుంటున్నామని విద్యార్థులు అంటున్నారు. ప్రజలకు సేవలు అందించే విధంగా ఒకటి, ప్రజలకు తమ ప్రొడక్టును అమ్మే విధంగా ప్రణాళికలు సిద్ధం చేస్తున్నామని తెలిపారు. బెడ్లో ఉన్న వైఫై ఫోన్తో కనెక్ట్ చేసుకుంటే బెడ్ను సులభంగా వినియోగించుకోవచ్చని అంటున్నారు.
కార్పొరేట్ హస్పిటల్స్ ఎక్కువ బెడ్లు తీసుకుంటే ప్రతి బెడ్కి నియంత్రణ పరికరం అమర్చి, దాని ఐపి అడ్రస్ ద్వారా వైర్ లెస్ కంట్రోల్ లో బెడ్ పై ఉన్న రోగి స్థితిగతులు తెలుసుకోచ్చన్నారు. హస్పిటల్ సిబ్బందికి మాత్రమే కాకుండా రోగి బంధువులకు ఒక యూజర్ నేమ్, పాస్వర్డ్ ఇస్తామని, దీనిద్వారా రోగి ఆరోగ్యం గురించి తెలుస్తుందన్నారు. రానున్న రోజుల్లో ఈ బెడ్కు రోగి కదలికలు తెలుసుకునేందుకు కెమెరా సదుపాయాన్ని కూడా అమర్చుతామన్నారు.
అలాగే రోగి ఏ సమయంలో ఏ మందులు వేసుకోవాలనే అంశాన్ని తెలిపేందుకు సౌండ్ సిస్టమ్ కూడా ఏర్పాటు చేయాలని అనుకుంటున్నామన్నారు. దీని ద్వారా రోగి ఆరోగ్య విషయాలు తెలుసుకోవడం వైద్యులకు సులభతరం అవుతుందన్నారు. కళాశాల విద్యార్థులు రుపొందించిన ఈ బెడ్ వైద్య రంగానికి ఎంతో ఉపయోగపడనుంది. తమకు వచ్చిన ఆలోచనను కళాశాల అధ్యాపకులను తెలిపామని, వారు సంపూర్ణ సహకారం అందించడం వల్లే తాము ఈ బెడ్ను తయారు చేశామని విద్యార్థులు అంటున్నారు.
