Sons in Law Protest at Eluru Collectorate: ఏలూరు కలెక్టరేట్ వద్ద ఒక విచిత్రమైన నిరాహార దీక్ష చోటుచేసుకుంది. మామకు వ్యతిరేకంగా ఇద్దరు అల్లుళ్లు రోడ్డెక్కారు. తమకు న్యాయం చేయాలని వేడుకుంటున్నారు. టెంట్ వేసి, ఫ్లెక్సీలు ఏర్పాటు చేసుకుని మరీ నిరసన కొనసాగిస్తున్నారు. తమ మామ శాడిజం భరించలేకే మరో దారి లేక రోడ్డెక్కామని వారు చెప్తున్నారు.
చాలా మంది తల్లిదండ్రులు తమ కుమార్తెకు పెళ్లి చేసి అత్తారింటికి పంపిస్తారు. అత్తారింట్లో భర్తతో సంతోషంగా ఉండాలని కోరుకుంటారు. కానీ ఓ తండ్రి మాత్రం తమ కుమార్తెలను ఇంట్లోనే ఉంచుకున్నారు. దీంతో మామకు వ్యతిరేకంగా అల్లుళ్లు నిరసన మొదలు పెట్టారు. తమ భార్యలను కాపురానికి పంపకుండా అడ్డుపడుతున్న మామపై చర్యలు తీసుకోవాలని డిమాండ్ చేస్తూ ఏలూరు కలెక్టరేట్ వద్ద ఇద్దరు అల్లుళ్లు రిలే నిరాహారదీక్ష ప్రారంభించారు.
ఏలూరుకు చెందిన అయ్యంగార్ అనే వ్యక్తి తన పెద్ద కుమార్తెను 2015లో గుజరాత్లో ప్రైవేట్ టీచర్గా పనిచేస్తున్న పవన్కు, 2024 సంవత్సరంలో విజయవాడలో యానిమేషన్ ఉద్యోగం చేస్తున్న శేషసాయికి చిన్న కుమార్తెను ఇచ్చి వివాహం చేశారు. పెద్ద కుమార్తెకు బిడ్డ పుట్టిన సంవత్సరం నుంచి ఆమెను కాపురానికి పంపించడం లేదని పవన్ ఆవేదన వ్యక్తం చేస్తున్నారు. అదే విధంగా పెళ్లైన కొద్ది నెలలకే తన భార్యను కాపురానికి పంపించడం లేదని చిన్నల్లుడు శేషసాయి వాపోతున్నారు.
ఆస్తి కోసం అత్తను హత్య చేసిన అల్లుడు - అడ్డుకోబోయిన మామపైనా దాడి
తమ సమస్యను జాయింట్‌ కలెక్టర్‌ దృష్టికి తీసుకెళ్లామని, ఆయన ఎస్పీని కలవమని సూచించారని, ఎస్పీ బిజీగా ఉండటంతో ఈ విషయాన్ని అడిషనల్ ఎస్పీకి చెప్పామని పవన్ అన్నారు. మామయ్య నా భార్యను కాపురానికి పంపించడం లేదని పవన్ వాపోయారు. అదే విధంగా తన కుమార్తెను సైతం చూపించడం లేదని, ఫోన్‌ చేసినా ఉపయోగం లేకుండా పోయిందని తెలిపారు. చిన్నపాపకు తనపై నెగిటివ్‌గా చెబుతున్నారని, బర్త్‌డేకి విషెస్‌ చెప్పినా కూడా నెగిటివ్‌ ఆడియో మెసేజ్‌లు పెట్టిస్తున్నారంటూ ఆవేదన వ్యక్తం చేశారు. తనకు వేరే దారిలేకే ఇలా దీక్షకు దిగానని తెలిపారు.
డిమాండ్లు ఇవే: ఏలూరు కలెక్టరేట్‌కు ఎదురుగా ఈ ఇద్దరు అల్లుళ్లూ ఓ టెంట్ వేసి, అందులోనే రిలే నిరాహారదీక్ష చేస్తున్నారు. తమ డిమాండ్లతో ఫ్లెక్సీలు ఏర్పాటు చేశారు. తమ భార్యలను కాపురానికి పంపించాలని, కన్న కుమార్తెను తండ్రికి చూపించాలని, కుమార్తెలను కాపురానికి పంపించకుండా తమపై పెట్టిన అక్రమ కేసులు ఎత్తివేయాలని అదే విధంగా శాడిస్ట్ మామయ్య బీకే శ్రీనివాస రామానుజ అయ్యంగార్‌పై చర్యలు తీసుకోవాలని డిమాండ్ చేస్తున్నారు.
పిల్లనిచ్చిన మామను హతమార్చిన అల్లుడు - కారణం తెలిస్తే షాక్ అవుతారు - Son In Law Killed Uncle
