Tirumala releases March 2025 Srivari Arjitha Seva Tickets : తిరుమలలో కొలువైన కలియుగ ప్రత్యక్ష దైవం వేంకటేశ్వరుని దర్శించుకునేందుకు ప్రపంచ నలుమూలల నుంచి నిత్యం భారీగా భక్తులు తరలి వస్తుంటారు. ఈ నేపథ్యంలో శ్రీవారి భక్తుల కోసం టీటీడీ మార్చి 2025కు సంబంధించిన తోమాల, సుప్రభాతం, అష్టదళపాద పద్మారాధన సేవల ఆర్జిత సేవా టికెట్ల కోటాను ఈ నెల 18న ఉదయం 10 గంటలకు ఆన్లైన్లో విడుదల చేయనుంది. వీటిలోనే ఈ నెల 20న 10 గంటలకు లక్కీ డిప్‌ కోటా కోసం ఆన్లైన్లో నమోదు చేసుకోవచ్చు.
శ్రీవారి ఆర్జిత బ్రహ్మోత్సవం, కల్యాణోత్సవం, ఊంజల్‌ సేవ, సహస్ర దీపాలంకార సేవ టికెట్లను ఈ నెల 21న ఉదయం 10 గంటలకు ఆన్లైన్లో విడుదల చేస్తారు. అదే రోజు వర్చువల్‌ సేవా టికెట్లను కూడా మధ్యాహ్నం 3 గంటలకు అందుబాటులో ఉంచుతారు. ఈ నెల 23న ఉదయం 10 గంటలకు అంగ ప్రదక్షిణం కోటా, ఉదయం 11 గంటలకు శ్రీవాణి ట్రస్టు బ్రేక్‌ దర్శనం కోటా, మధ్యాహ్నం 3 గంటలకు దీర్ఘకాలిక వ్యాధిగ్రస్థులు, వృద్ధులు, దివ్యాంగులకు ఉచిత ప్రత్యేక ప్రవేశ దర్శన టోకెన్ల కోటా విడుదల చేస్తారు.
ఈ నెల 24న ప్రత్యేక దర్శనం టికెట్లు : ఈ నెల 24న ఉదయం 10 గంటలకు మార్చి 2025 ప్రత్యేక ప్రవేశ దర్శనం రూ.300 టికెట్ల కోటా విడుదల చేస్తారు. అదే రోజు మధ్యాహ్నం తిరుపతి, తిరుమలలో అద్దె గదుల బుకింగ్ ఉంటుంది. ఈ నెల 27న మార్చి నెలకు సంబంధించిన శ్రీవారి సేవ కోటా విడుదల చేస్తారు. భక్తులు ఆర్జిత సేవలు, దర్శన టికెట్ల కోసం https://ttdevasthanams.ap.gov.inలో బుక్ చేసుకోవాలని కోరారు.
తిరుమల శ్రీవారి దర్శనానికి ఎన్ని దారులో - ఇవి తెలిస్తే దర్శనం సులభమే
తిరుమలలో వైకుంఠ ఏకాదశికి విస్తృత ఏర్పాట్లు - టీటీడీ కీలక నిర్ణయాలు ఇవే
