24 మంది సభ్యులతో టీటీడీ బోర్డు - ఛైర్మన్‌గా బీఆర్‌ నాయుడు

టీటీడీ బోర్డు ఛైర్మన్‌గా టీవీ - 5 ఛైర్మన్‌ బీఆర్‌ నాయుడు నియామకం - 24 మంది సభ్యులతో టీటీడీ పాలకమండలి

TTD BOARD Chairman BR Naidu : తిరుమల తిరుపతి దేవస్థానం (టీటీడీ) పాలక మండలి నూతన ఛైర్మన్‌గా టీవీ - 5 ఛైర్మన్‌ బీఆర్‌ నాయుడు నియమితులయ్యారు. 24 మంది సభ్యులతో టీటీడీ పాలకమండలి ఏర్పాటు కానుంది. ఈ మేరకు టీటీడీ అధికారిక ప్రకటన విడుదల చేసింది. ఇందులో రాష్ట్రానికి చెందిన ముగ్గురు ఎమ్మెల్యేలకు చోటు దక్కగా, తెలంగాణ నుంచి ఐదుగురికి, తమిళనాడుకు నుంచి ఇద్దరికి, కర్ణాటక నుంచి ముగ్గురికి, గుజరాత్, మహారాష్ట్ర నుంచి ఒక్కొక్కరికి చోటు దక్కింది.

టీటీడీ బోర్డు సభ్యులు :

• జ్యోతుల నెహ్రూ (జగ్గంపేట ఎమ్మెల్యే)
• వేమిరెడ్డి ప్రశాంతిరెడ్డి (కోవూరు ఎమ్మెల్యే)
• ఎం.ఎస్‌ రాజు (మడకశిర ఎమ్మెల్యే)
• పనబాక లక్ష్మి (కేంద్ర మాజీ మంత్రి)
• జాస్తి పూర్ణ సాంబశివరావు
• శాంతారామ్‌
• శ్రీసదాశివరావు నన్నపనేని
• జంగా కృష్ణమూర్తి
• కోటేశ్వరరావు
• మల్లెల రాజశేఖర్‌ గౌడ్‌
• జానకీ దేవి తమ్మిశెట్టి
• నన్నూరి నర్సిరెడ్డి (తెలంగాణ)
• బూంగునూరు మహేందర్‌ రెడ్డి (తెలంగాణ)
• అనుగోలు రంగశ్రీ (తెలంగాణ)
• బూరగాపు ఆనందసాయి (తెలంగాణ)
• సుచిత్ర ఎల్ల (తెలంగాణ)
• కృష్ణమూర్తి ( తమిళనాడు)
• పి.రామ్మూర్తి (తమిళనాడు)
• దర్శన్‌. ఆర్‌.ఎన్‌ (కర్ణాటక)
• జస్టిస్‌ హెచ్‌ఎల్‌ దత్‌ (కర్ణాటక)
• నరేశ్‌కుమార్‌ ( కర్ణాటక)
• డా.అదిత్‌ దేశాయ్‌ (గుజరాత్‌)
• శ్రీసౌరబ్‌ హెచ్‌ బోరా (మహారాష్ట్ర)

బీఆర్‌ నాయుడు కృతజ్ఞతలు : టీటీడీ ఛైర్మన్​గా తనను నియమించడంపై ఆంధ్రప్రదేశ్‌ ప్రభుత్వానికి బీఆర్‌ నాయుడు కృతజ్ఞతలు తెలిపారు.

తిరుమల , తిరుపతి దేవస్థానాల ట్రస్ట్‌ బోర్డు ఛైర్మన్‌ గా నన్ను నియమించిన ఆంధ్రప్రదేశ్‌ ప్రభుత్వానికి కృతజ్ఞతలు.

నాపై విశ్వాసం ఉంచి దేవదేవుని సేవ చేసే అవకాశం కల్పించిన ఏపీ
ముఖ్యమంత్రి, గౌరవనీయులు నారా చంద్రబాబు నాయుడు గారికి,ఉప ముఖ్యమంత్రి కొణిదెల పవన్‌ కల్యాణ్‌ గారికి, రాష్ట్ర… pic.twitter.com/XK7ULQQoYc

— B R Naidu (@BollineniRNaidu) October 30, 2024

కోవూరు ఎమ్మెల్యే వేమిరెడ్డి ప్రశాంతి రెడ్డి టీటీడీ మెంబర్​గా ఎంపిక కావడంతో నెల్లూరులోని ఆమె ఇంటి వద్ద సందడి నెలకొంది. టీడీపీ నాయకులు, వేమిరెడ్డి అభిమానులు పెద్ద ఎత్తున తరలివచ్చారు. బాణాసంచాకాల్చి సందడి చేశారు. స్వీట్లు పంచారు