వర్రా రవీందర్‌రెడ్డికి ఆ పార్టీ నుంచే ప్రాణహాని : బీటెక్ రవి

ఆందోళన వ్యక్తం చేసిన టీడీపీ పులివెందుల ఇన్​ఛార్జ్​ బీటెక్​ రవి

TDP Leader BTech Ravi Allegations to YSRCP Varra Ravindra Reddy : పులివెందులకు చెందిన వైఎస్సార్సీపీ సామాజిక మాధ్యమ కార్యకర్త వర్రా రవీందర్‌రెడ్డికి ఆ పార్టీ నాయకులే ముప్పు తలపెట్టే ప్రమాదం ఉందని పులివెందుల టీడీపీ ఇన్​ఛార్జీ బీటెక్ రవి ఆందోళన వ్యక్తం చేశారు. వర్రా రవీందర్ రెడ్డికి ప్రాణహాని తలపెట్టి ఆ నెపాన్ని పోలీసుల పైకి నెట్టే ఆలోచన చేస్తున్నారనీ ఆరోపించారు. తమకు ఇబ్బంది కలుగుతుంది అంటే వైఎస్సార్సీపీ నాయకులు ఎంతటికైనా తెగిస్తారని వ్యాఖ్యానించారు.

వైఎస్ అవినాష్ రెడ్డి పీఏ పరార్! - 'వర్రా' కేసులో రాఘవరెడ్డి ఇంటికెళ్లిన పోలీసులు
కడప ఎంపీ అవినాష్ రెడ్డి పీఏ రాఘవరెడ్డిని కూడా వెంటనే అరెస్ట్ చేసి విచారించాలని బీటెక్​ రవి డిమాండ్ చేశారు. గత మూడు రోజుల నుంచి అవినాష్ పీఏ రాఘవరెడ్డి తప్పించుకొని వర్రా రవీందర్ రెడ్డితో ఫోన్లో టచ్​లో ఉన్నాడని బీటెక్ రవి ఆరోపించారు. అవినాష్ పీఏ గతంలో అనేక అక్రమాలు కూడా చేశాడని పేర్కొన్నారు. రాఘవరెడ్డిని విచారిస్తే ఎన్నో విషయాలు బయటకు వస్తాయనీ తెలియజేస్తూ తాజా పరిణామాలపై బీటెక్ రవి వీడియో విడుదల చేశారు.