విజయసాయిరెడ్డి ఇంకా బయట ఉండటం ఆశ్చర్యం కలిగిస్తోంది : సోమిరెడ్డి

లోపలేసేందుకు పింక్ డైమండ్‌పై చేసిన అసత్యం ఒక్కటిచాలని ధ్వజం - దోపిడీకి కాదేదీ అనర్హం అన్నట్లు జగన్‌తో విజయసాయి రెడ్డి అవినీతిలో పోటీపడ్డారని ఆరోపణ

Somireddy on Vijayasai Reddy Comments : సీఎం చంద్రబాబును ఉద్దేశించి ఎంపీ విజయసాయిరెడ్డి చేసిన వ్యాఖ్యలపై పోలీసులు ఎందుకు మౌనంగా ఉన్నారో అర్థం కావట్లేదని సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి అన్నారు. విజయసాయి రెడ్డి మితిమీరిన మాటలను పోలీసులు ఉపేక్షించాల్సిన అవసరం లేదని చెప్పారు. విజయసాయి ఇంకా బయట తిరుగుతుండటం ఆశ్చర్యం కలిగిస్తోందన్నారు.

విజయసాయిని లోపలేయటానికి పింక్ డైమండ్​పై చేసిన అసత్యం ఒక్కటి చాలని మండిపడ్డారు. విజయసాయి రెడ్డి ముఖ్యమంత్రిని తిడుతుంటే డీజీపీ ఏం చేస్తున్నారని ప్రశ్నించారు. దోపిడీకి కాదేదీ అనర్హం అన్నట్లు జగన్​తో ఏ2 విజయసాయి అవినీతిలో పోటీపడ్డారని ధ్వజమెత్తారు.