Radisson Hotel Drug Case Link With Goa : హైదరాబాద్ పంజాగుట్ట పరిధిలో కొద్ది రోజుల క్రితం సంచలనం సృష్టించిన స్టాన్లీ డ్రగ్స్ కేసులో సరఫరాదారుడిగా ఉన్న నైజీరియన్‌ ఓక్రా ప్రస్తుతం గోవాలోని కోల్వాలే జైలులో ఉన్నాడు. గోవాకు బిజినెస్‌ వీసాపై వచ్చిన ఓక్రా, డ్రగ్‌ వ్యాపారులతో సంబంధాలు పెంచుకుని అంతర్జాతీయంగా సరఫరా(International Drugs Supply) చేస్తున్నాడు. ఇదే క్రమంలో నెదర్లాండ్స్‌ నుంచి తెప్పించి, హైదరాబాద్‌లోని స్టాన్లీకి పంపించాడు.
Goa Drug Mafia Spreads in Telangana : పోలీసులకు చిక్కిన స్టాన్లీని విచారించగా ఇదంతా గోవా జైలు నుంచి ఓక్రా నడిపించినట్లు గుర్తించారు. ఇటీవల నగరంలో హాట్‌ టాపిక్‌గా మారిన రాడిసన్ డ్రగ్స్ కేసులో ప్రధాన సరఫరాదారుడిగా ఉన్న అబ్దుల్ కూడా కోల్వాలే జైల్‌లోనే ఉన్నట్లుగా ప్రాథమిక సమాచారం. రాడిసన్ డ్రగ్స్ కేసులో కొకైన్‌ వివేకానందకు చేరే ముందు పలు చేతులు మారింది. ఇప్పటికే గోవాలో విచారణ ఖైదీగా ఉన్న అబ్దుల్, రాణిగంజ్‌లో నివాసం ఉంటున్న అబ్దుల్ రెహ్మాన్‌కి డ్రగ్స్ పంపిణీ చేస్తున్నాడు.
అబ్దుల్ రెహ్మన్‌ నుంచి అత్తాపూర్‌లోని మీర్జాకీ, అక్కడ్నుంచి అబ్బాస్‌ అలీ ద్వారా వివేకా డ్రైవర్‌ ప్రవీణ్‌కు చేరాయి. గోవా జైలులోని ఖైదీలు హైదరాబాద్ కేంద్రంగా మాదక ద్రవ్యాలు సరఫరా(Drug Supply in Telangana) చేయడం ఆందోళనకరంగా మారింది. ఖైదీలు కేవలం ఫోన్ ద్వారా తమ నెట్‌వర్క్‌తో డ్రగ్స్‌ను పలు ప్రదేశాలకు పంపిస్తున్నారు.
మత్తు పదార్థాల కట్టడిపై సర్కార్ ఫోకస్ - రాష్ట్రంలో 'హుక్కా'ను నిషేధిస్తూ నిర్ణయం
పది నెలల క్రితమే ఖైదీల వద్ద ఫోన్లు ఉన్నాయని టీఎస్ న్యాబ్‌ పోలీసులు కోల్వాలే జైలు సూపరింటెండెంట్‌ను(Jail Superintendent) హెచ్చరించినా పట్టించుకోలేదు. కానీ నెల క్రితం నిర్వహించిన తనిఖీల్లో 16 మొబైల్స్ స్వాధీనం చేసుకున్నారు. తమ కళ్లు గప్పి ఫోన్ ద్వారా నిందితులు డ్రగ్స్ సరఫరా చేస్తుండటంతో నిఘా పెంచాలని పోలీసులు భావిస్తున్నారు.
Drug Eradication in Telangana 2024 : మరోవైపు డ్రగ్స్ నిషేదానికి పోలీసులు అవసరమైన చర్యలు చేపట్టాలని, గంజాయి అనే పదం రాష్ట్రంలో వినపడకూడదని రాష్ట్ర ముఖ్యమంత్రి రేవంత్ రెడ్డి(CM Revanth Reddy) ఇదివరకే ఆదేశాలు జారీ చేశారు. డ్రగ్స్, గంజాయి కేసుల్లో ఎంతటి వారినైనా ఉపేక్షించకండని, పోలీసులకు సంపూర్ణ అధికారాలు ఇస్తున్నట్లు పేర్కొన్నారు.
ప్రభుత్వ ఆదేశాల మేరకు డ్రగ్స్ దందాపై ఉక్కుపాదం మోపుతామని హైదరాబాద్ సీపీ కొత్తకోట శ్రీనివాసరెడ్డి స్పష్టంచేశారు. అయినప్పటికీ నషా ముక్త తెలంగాణ, మత్తు రహిత హైదరాబాద్ కోసం ఎంతోకాలంగా జరుగుతున్న ప్రయత్నాలకు రాడిషన్ డ్రగ్స్ కేసులు పెను సవాల్‌గా నిలుస్తున్నాయి. పోలీసులు ఎంత నిఘా పెట్టినా, ఎప్పటికప్పుడు డ్రగ్స్ కేసులు బయటపడుతూనే ఉండటం విస్మయానికి గురిచేస్తున్నాయి.
పిల్లలపై ఒత్తిడి తేకండి - స్ట్రెస్ తట్టుకోలేకే వారు డ్రగ్స్‌కు బానిసవుతున్నారు : సందీప్‌ శాండిల్య
డ్రగ్స్ కేసులో గోవా మూలాలు - స్నాప్‌చాట్‌లో చాటింగ్‌ - కొకైన్‌ డోర్‌ డెలివరీ
