Medium Confusion in SSC Examination in Government Schools of Andhra Pradesh : రాష్ట్రంలో ప్రభుత్వ పాఠశాలల్లో చదివిన విద్యార్థులకు పదో తరగతి పబ్లిక్‌ పరీక్షల్లో తెలుగు మాధ్యమంలో పరీక్ష ఉంటుందా? లేదా అనేదానిపై సందిగ్ధత నెలకొంది. తెలుగు మాధ్యమంలో పరీక్షలు నిర్వహణపై స్పష్టత లేకపోవడంతో ప్రధానోపాధ్యాయులు, విద్యార్థుల్లోనూ అయోమయం ఏర్పడింది. దీనిపై పాఠశాల విద్యాశాఖ స్పష్టతను ఇవ్వాల్సి ఉంది. వైఎస్సార్సీపీ ప్రభుత్వ హయాంలో ఒకే మాధ్యమం అమలు చేయాలంటూ 2021 డిసెంబరు 15న ఆదేశాలు జారీ చేశారు.
ఇంతకు ముందు 2020-21లో ఒకేసారి 1-6 తరగతుల్లో తెలుగు మాధ్యమాన్ని రద్దు చేసి, ఆంగ్ల మాధ్యమంలోకి మారుస్తూ వైఎస్సార్సీపీ ప్రభుత్వం ఉత్తర్వులు ఇచ్చింది. వీటిపై కొందరు హైకోర్టును ఆశ్రయించడంతో కోర్టు జీఓను రద్దు చేసింది. ఆ తర్వాత ప్రభుత్వం సుప్రీంకోర్టును ఆశ్రయించింది. దీనిపై అత్యున్నత న్యాయస్థానం ఎలాంటి స్టే ఇవ్వలేదు. తెలుగు మాధ్యమం రద్దు అంశం న్యాయస్థానంలో ఉన్నందున 2021 డిసెంబరులో ఒకే మాధ్యమం ఉంటుందంటూ విద్యాశాఖ ఆదేశాలు జారీ చేసింది.
'అమ్మా నేను ఇంగ్లిష్ మీడియం చదవలేను, నాకేమీ అర్థం కావడం లేదు'
ఆంగ్ల మాధ్యమం అని పేర్కొనకుండా ఒక్కటే మాధ్యమం అని ఉత్తర్వుల్లో నిర్వచించింది. అనధికారికంగా ఆంగ్ల మాధ్యమాన్ని అమలు చేస్తూ పాఠశాలల్లో క్రమబద్ధీకరణ జరిపి విద్యార్థుల సంఖ్యకు అనుగుణంగా టీచర్లను కేటాయించింది. ఏ మాధ్యమం అమలు చేయాలన్నదానిని ప్రస్తావించకపోవడంతో చాలా చోట్ల ఉపాధ్యాయులు తెలుగు, ఆంగ్ల మాధ్యమాలను కొనసాగించారు. ఇలా కొనసాగుతూ వచ్చిన విద్యార్థులు ఇప్పుడు పదోతరగతిలో ఉన్నారు. వీరికి తెలుగు మాధ్యమంలోనే పరీక్షలు నిర్వహించాలని ప్రధానోపాధ్యాయులు కోరుతున్నారు. అసలు పరీక్షలు ఏ మాధ్యమంలో జరుగుతాయో తెలియక విద్యార్థులు, వారి తల్లి దండ్రులు ఆవేదన వ్యక్తం చేస్తున్నారు.
ఏదైనా ఒక్కటే ఉండాలంటూ : వైఎస్సార్సీపీ ప్రభుత్వం ఇచ్చిన ఉత్తర్వుల ప్రకారం ఏదైనా ఒక్కటే మాధ్యమం ఉండాలని, రెండు మాధ్యమాలు నిర్వహిస్తే ఎలా అని ప్రధానోపాధ్యాయులను కొంత మంది అధికారులు ప్రశ్నిస్తున్నారు. తెలుగు లేదా ఆంగ్ల మాధ్యమాల్లో ఏదైనా ఒక్కటే నిర్వహించకుండా రెండింటిని ఎలా కొనసాగించారని పేర్కొంటున్నారు.
నైపుణ్యంలేని వారు ఇంగ్లీష్లో ఎలా బోధిస్తారు?- జగన్ సర్కారుపై హైకోర్టు ఆగ్రహం
