LIC Golden Jubilee Scholarship Scheme 2024: ఆర్థికంగా వెనుకబడిన కుటుంబాలకు చెందిన విద్యార్థులను ప్రోత్సహించేందుకు ఎల్ఐసీ (Life Insurance Corporation of India) స్కాలర్‌షిప్‌ స్కీమ్‌ను తీసుకొచ్చింది. గోల్డన్‌ జూబ్లీ స్కాలర్‌షిప్‌ స్కీమ్ 2024 పథకం ద్వారా ప్రతిభ కలిగిన విద్యార్థులకు తగిన నగదు ప్రోత్సాహకం అందించనుంది. ఈ విషయాన్ని ఎల్ఐసీ స్వయంగా వెల్లడించింది. ఎవరెవరు అర్హులు, దరఖాస్తు తేదీ, దీనికి సంబంధించిన పూర్తి వివరాలను అందులో వెల్లడించింది.
ఉన్నత విద్య చదవాలనుకొనే వారికి జనరల్‌ స్కాలర్‌షిప్‌లు: 2021-22, 2022-23, 2023 -24 విద్యా సంవత్సరాలలో 10వ తరగతి/ ఇంటర్మీడియట్/ డిప్లొమో లేదా తత్సమాన విద్యను పూర్తి చేసుకున్న వాళ్లు ఈ స్కాలర్షిష్‌న‌కు అర్హులవుతారు. గుర్తింపు పొందిన విద్యా సంస్థలలో కనీసం 60% మార్కులు సాధించైనా ఉండాలి లేదంటే సమానమైన సీజీపీఏ (Cumulative Grade Point Average) గ్రేడ్‌ కలిగి ఉండాలి. 2024 - 25లో ఉన్నత విద్య చదవాలనుకొనే విద్యార్థులకు ఎల్ఐసీ జనరల్‌ స్కాలర్‌షిప్‌లు అందించనుంది. మెడిసిన్‌, ఇంజినీరింగ్‌, గ్రాడ్యుయేషన్‌, డిప్లొమో, గుర్తింపు పొందిన విద్యా సంస్థల్లో వొకేషన్‌ కోర్సులు, ఐటీఐ లాంటి వివిధ కోర్సులు చదవాలనుకున్నా ఎల్ఐసీ ఈ నగదు భరోసా కల్పిస్తుంది.
డిసెంబర్‌ 8వ తేదీ నుంచి దరఖాస్తు ప్రక్రియ: స్పెషల్ గర్ల్ చైల్డ్ స్కాలర్‌షిప్‌ స్కీమ్ (Special Girl Child Scholarship Scheme) కింద దరఖాస్తు చేసుకునే విద్యార్థినులకు రెండేళ్ల పాటు స్కాలర్‌షిప్‌లు ఇస్తారు. 10వ తరగతి పూర్తి చేసుకొని ఇంటర్మీడియట్/ 10+2/ ఏదైనా విభాగంలో డిప్లొమో కోర్సు చేయాలనుకొనే వారు ఈ ప్రత్యేక స్కాలర్షిప్కి దరఖాస్తు చేసుకోవాలి. ఎల్ఐసీ www.licindia.in వెబ్‌సైట్‌ ద్వారా ఆన్‌లైన్‌లో ఈ స్కీమ్కి ధరఖాస్తు చేసుకోవచ్చు. ఎల్ఐసీ స్కాలర్‌షిప్‌ గడువు తేదీ డిసెంబర్‌ 22న ముగియనుంది. దరఖాస్తు ప్రక్రియ డిసెంబర్‌ 8వ తేదీ నుంచి ప్రారంభం అవుతుంది. కుటుంబ అర్హత, స్కాలర్ షిప్ ఎంత రానుంది వంటి వివరాలు తెలియాల్సి ఉంది. ఈ స్కీమ్కి సంబంధించిన మరిన్ని వివరాల కోసం ఎల్ఐసీ వెబ్‌సైట్‌ను సంప్రదించండి.
A brighter future begins with the right opportunity. We are proud to announce the launch of the GJF Scholarship Scheme 2024. Applications will open on 08.12.2024, available online for eligible students across the country.#LIC pic.twitter.com/omAhN00AH9
— LIC India Forever (@LICIndiaForever) December 7, 2024
రాష్ట్రంలో కార్పొరేటు గురుకులాలు - కూటమి ప్రభుత్వ కీలక నిర్ణయం
హీరోలు సినిమాల్లో కాదు ఉపాధ్యాయుల్లోనూ ఉన్నారు: పవన్‌ కల్యాణ్
