Hydra Demolishes Illegal Construction in Ameenpur : హైడ్రా మళ్లీ కూల్చివేతలు మొదలుపెట్టింది. సంగారెడ్డి జిల్లా అమీన్పూర్లో రోడ్డుకు అడ్డంగా నిర్మించిన భవనాన్ని హైడ్రా కూల్చివేసింది. వందనపురి కాలనీ సర్వేనెంబర్ 848లో అక్రమంగా ఇల్లు నిర్మించారని ఫిర్యాదు రావడంతో ఈ మేరకు చర్యలకు ఉపక్రమించింది. ఈ క్రమంలోనే ఇవాళ తెల్లవారుజామున జేసీబీ సహాయంతో సిబ్బంది భవనాన్ని కూల్చివేశారు.
అమీన్పూర్ పరిధిలో రోడ్డుకు అడ్డంగా నిర్మించిన ఇల్లు కూల్చివేత (ETV Bharat)
మరోవైపు అమీన్పూర్లో ప్రభుత్వ స్థలాలు, చెరువు భూముల్లో ఆక్రమణలు జరగడంతో హైడ్రా ప్రత్యేకంగా దృష్టి సారించింది. స్థానికుల నుంచి ఫిర్యాదులు వెల్లువెత్తడంతో ఈ అక్రమ నిర్మాణాన్ని పడగొట్టామని హైడ్రా సిబ్బంది చెప్పింది. ఎటువంటి ఘటనలకు తావులేకుండా పోలీసులు ముందస్తూ జాగ్రత్తలు తీసుకున్నారు.
