మీ పదో తరగతి మార్కులపై అనుమానాలు ఉన్నాయా? - రీ-కౌంటింగ్ చేయించుకోండిలా! - How to Apply for Recounting

How to Apply for Recounting: చాలా మందికి పదో తరగతి పరీక్షల్లో వారు ఆశించిన దాని కంటే తక్కువ మార్కులు వస్తాయి. దీంతో కొందరు రీకౌంటింగ్​కు వెళుతుంటారు. మరి.. రీకౌంటింగ్​కు ఎలా అప్లై చేసుకోవాలో మీకు తెలుసా?

How to Apply for Recounting After SSC Results: పదో తరగతి.. ప్రతి స్టూడెంట్​ జీవితంలో కీ రోల్​ పోషిస్తుంది. ఈ క్లాస్​లో సాధించే మార్కులు, సబ్జెక్ట్‌ నైపుణ్యాలు భవితకు పునాదిగా నిలుస్తాయి. అంతేకాదు.. పదో తరగతి సబ్జెక్ట్‌ల్లో సాధించే మార్కుల ఆధారంగానే తర్వాత చేరాల్సిన ఉన్నత విద్య కోర్సుపై ఓ క్లారిటీ వస్తుంది. ఇంతటి కీలకమైన టెన్త్‌ క్లాస్‌ 2024 రిజల్ట్స్ ఏపీలో ఆల్రెడీ విడుదలయ్యాయి. తెలంగాణలో​ మరికొన్ని రోజుల్లో రిలీజ్​ కానున్నాయి.

ఇదిలా ఉంటే.. పదో తరగతిలో ఆశించిన మార్కుల కంటే తక్కువ మార్కులు పొందామని ఫీలయ్యేవారు రీకౌంటింగ్​కు వెళుతుంటారు. తమ అంచనాలకు భారీగా తేడా అనిపిస్తే రీ వాల్యూయేషన్​ను ఆశ్రయిస్తారు. కాగా.. మరి రీకౌంటింగ్​కు ఎలా అప్లై చేసుకోవాలో మీకు తెలుసా?

రీ-కౌంటింగ్​, రీ-వాల్యూయేషన్​ అంటే ఏమిటి?:

రీ-కౌంటింగ్ అనేది విద్యార్థులు తమ మార్కులతో సంతృప్తి చెందనట్లయితే వారి మార్కులను తిరిగి కౌంట్​ చేయమనడానికి అప్లై చేసుకునే ప్రక్రియ. ఫలితాల ప్రకటన తర్వాత నిర్ణీత వ్యవధిలోపు మార్కుల రీకౌంటింగ్ కోసం దరఖాస్తు చేసుకోవడానికి బోర్డ్ ఆఫ్ సెకండరీ ఎడ్యుకేషన్.. విద్యార్థులకు అనుమతిస్తుంది. ఇక రీవాల్యుయేషన్ అంటే సమాధాన పత్రాలను మళ్లీ తనిఖీ చేసి, మార్కులను మళ్లీ లెక్కించడం.

మార్కుల రీకౌంటింగ్ కోసం ఎలా దరఖాస్తు చేయాలి?

• తెలంగాణ బోర్డ్ ఆఫ్ సెకండరీ ఎడ్యుకేషన్ (TBSE)(https://bse.telangana.gov.in/) అధికారిక వెబ్‌సైట్‌ను సందర్శించాలి.
• హోమ్‌పేజీలో “TS SSC మార్క్స్​ రీకౌంటింగ్ 2024 ఆప్షన్​పై క్లిక్​ చేయండి.
• అనంతరం పేరు, హాల్​ టికెట్​ నంబర్, సబ్జెక్ట్ కోడ్‌ వంటి అవసరమైన వివరాలను ఎంటర్​ చేయాలి.
• రీ-కౌంటింగ్​ కోసం అయ్యే ఫీజును ఆన్‌లైన్‌లో చెల్లించాలి.
• చివరగా దరఖాస్తు ఫారమ్‌ను సబ్మిట్​ చేసి, రసీదు ప్రింటవుట్ తీసుకోవాలి.

రీ-కౌంటింగ్​ కోసం ఎప్పుడు అప్లై చేయాలి?

తెలంగాణ బోర్డ్​ సాధారణంగా 10వ తరగతి పబ్లిక్ పరీక్షల ఫలితాల ప్రకటనతో పాటు రీకౌంటింగ్ కోసం దరఖాస్తు చేసుకునే తేదీలను ప్రకటిస్తుంది. అయితే.. ఈ ప్రక్రియ సాధారణంగా రిజల్ట్స్​ రిలీజ్​ అయిన కొన్ని రోజుల తర్వాత ప్రారంభమవుతుంది. అలాగే.. దరఖాస్తు ఫీజు చూసుకుంటే అప్లికేషన్​ ఫీజు ప్రతి సంవత్సరానికీ మారుతుంటుంది. ప్రస్తుతం అందుబాటులో ఉన్న సమాచారం ప్రకారం.. ప్రతి సబ్జెక్టుకూ 500 రూపాయలు చెల్లించాలి.