Former CM Jagan occupy public propert: గతంలో సీఎం క్యాంపు కార్యాలయం, ప్రస్తుత వైఎస్సార్సీపీ రాష్ట్ర కార్యాలయానికి వినియోగిస్తున్న రహదారిపైకి, ప్రజలను అనుమతించకపోవటం దుమారం రేపుతోంది. ప్రజాధనంతో నిర్మించిన డబుల్ లేన్ రహదారిని... ప్రైవేటు రోడ్డుగా మార్చుకోవడం ఏంటనే విమర్శలు వెల్లువెత్తుతున్నాయి.! అప్పట్లో క్యాంపాఫీస్‌ కోసం ప్రభుత్వ సొమ్ముతో కొనుగోలు చేసిన ఫర్నిచర్‌ను వైఎస్సార్సీపీ సొంత అవసరాలకు వాడుకోవడంపైనా అభ్యంతరాలు వ్యక్తమవుతున్నాయి. దీనిపైకొత్త ప్రభుత్వం త్వరలోనే విచారణ చేపట్టనున్నట్టు తెలుస్తోంది.
మాజీ ముఖ్యమంత్రి జగన్ క్యాంపు కార్యాలయానికి వెళ్లే, డబుల్ లేన్ రహదారిపైకి సాధారణ పౌరుల్ని అనుమతించడంలేదు..! రహదారులు భవనాల శాఖ నిర్మించిన ఆ రహదారిపైకి స్థానికంగా రాకపోకల్ని నిషేధించటం వివాదం రేపుతోంది. గడచిన ఐదేళ్లుగా, ఈ రహదారిని ముఖ్యమంత్రి క్యాంపు కార్యాలయం కోసం మాత్రమే వినియోగించారు. ఇతరులెవరికీ ప్రవేశం లేకుండా నిషేధించారు. జగన్ ముఖ్యమంత్రి పదవి పోగానే, క్యాంపు కార్యాలయాన్ని వైఎస్సార్సీపీ రాష్ట్ర కార్యాలయంగా మార్చేశారు. ఐనా, ఆ మార్గంలోకి ఎవరినీ అనుమతించకవడం ఏంటనే ప్రశ్నలు ఉత్పన్నమవుతున్నాయి.! వాస్తవానికి ప్రకాశం బ్యారేజీ నుంచి రేవేంద్రపాడు వరకూ..డబుల్ లేన్ రోడ్డు కోసం అప్పట్లో 5కోట్ల రూపాయల నిధులు మంజూరయ్యాయి. కానీ, ఆ నిధులతో జగన్ క్యాంపు కార్యాలయ పరిధిలో ఒకటిన్నర కిలోమీటర్ల రోడ్డు మాత్రమే వేశారు. అప్పట్లో భద్రతాసిబ్బంది ఆ రోడ్డుపైకి ఎవర్నీ అనుమతించలేదు. ఇప్పుడుజగన్‌ సీఎం హోదాలో లేకపోయినా.. ప్రజాధనంతో నిర్మించిన రోడ్డుపైకి ప్రజలనెవరినీ జగన్ భద్రతా సిబ్బంది అనుమతించటం లేదు. స్థానిక ప్రజల నుంచి దీనిపై ఫిర్యాదులు అందడంతో.. రాష్ట్ర ప్రభుత్వం విచారణ చేయాలని నిర్ణయించినట్టు తెలుస్తోంది.
లోటస్ పాండ్‌ వద్ద అక్రమ నిర్మాణాలు తొలగించిన జీహెచ్‌ఎంసీ అధికారులు
మరోవైపు ప్రజాధనంతో కట్టిన నిర్మాణాల నుంచే మాజీ ముఖ్యమంత్రి జగన్ రాజకీయం చేస్తున్నారు. అప్పటి సీఎం క్యాంపు కార్యాలయాన్ని పార్టీ కార్యాలయంగా మార్చుకున్న జగన్, అందులోనే రాజకీయ కార్యకలాపాలు సాగిస్తున్నారు. జగన్ సీఎంగా ఉన్నప్పుడు క్యాంప్ ఆఫీసు కోసం ప్రభుత్వ ఖజానా నుంచి డబ్బు వెచ్చించి.. కోట్లాది రూపాయల ఫర్నిచర్, ఇతర సామాగ్రి కొనుగోలు చేశారు. ప్రస్తుతం.. దాన్ని పార్టీ అవసరాల కోసం వినియోగించడంపై అధికార వర్గాల్లో చర్చ జరుగుతోంది. సీఎం హోదాలో, జగన్ క్యాంప్ ఆఫీస్ కోసం ఏఏ పనులు చేయించారు, ఎంత ప్రభుత్వ ధనం ఖర్చు చేయించారు అని ఆరా తీస్తున్నారు. సంబంధిత ఉత్తర్వులు వెలికితీస్తున్నారు. భద్రత పేరుతో ఇంటి చుట్టూ ప్రహరీ గోడపై దాదాపు 20 అడుగుల ఎత్తున నిర్మించిన ఇనుప ఫెన్సింగ్ కోసమే కోట్ల రూపాయలమేర ప్రజాధనం ఖర్చు చేశారు.! సోలార్ ఫెన్సింగ్, ట్రాన్స్ ఫార్మర్లు, UPS వ్యవస్థల ఏర్పాటు కోసం దాదాపు 3కోట్ల 63 లక్షలమేర ఖజానా నుంచి వెచ్చించారు. దివంగత స్పీకర్‌ కోడెల శివప్రసాద్‌ ప్రభుత్వ ఫర్నీచర్‌ దొంగిలించారంటూ నిందలు మోపి, అప్పట్లో వైఎస్సార్సీపీ నేతలు రార్దాంతం చేశారు. ఫర్నీచర్‌కు ఎంత ఖర్చైతే అంత తాను ఇస్తానని అప్పట్లో కోడెల లేఖ రాసినా వైఎస్సార్సీపీ ప్రభుత్వం స్పందించకుండా, ఆయన్ను అనరాని మాటలతో క్షోభపెట్టింది. ఇప్పుడు జగన్ రాజకీయ కార్యకలాపాలకు ప్రభుత్వ ఫర్నీచర్‌ వినియోగించటం నైతికత ఎలా అవుతుందనే..విమర్శలు వ్యక్తం అవుతున్నాయి. ఆ దిశగా నిబంధనల అతిక్రమణపై త్వరలోనే ప్రభుత్వం విచారణ చేపట్టే అవకాశాలున్నాయి.
పోలవరంపై సీఎం చంద్రబాబు సమీక్ష - ప్రాజెక్టు పరిస్థితిపై ఆరా.. - Chandrababu meeting in Secretariat
