తమిళనాడులో పవన్ కల్యాణ్ పర్యటన - కుమారస్వామికి ప్రత్యేక పూజలు

ఆలయాల సందర్శనలో భాగంగా తమిళనాడులో పర్యటిస్తున్న పవన్ కల్యాణ్ - స్వామిమలై క్షేత్రానికి చేరుకోగా స్వాగతం పలికిన ఆలయ అధికారులు, వేద పండితులు

Pawan Kalyan visit Swamimalai temple in Tamil Nadu: ఆలయాల సందర్శనలో భాగంగా డిప్యూటీ సీఎం పవన్ కల్యాణ్ తమిళనాడులో పర్యటిస్తున్నారు. ఉదయం ఆయన కుంభకోణం సమీపంలోని స్వామిమలై క్షేత్రానికి చేరుకోగా ఆలయ అధికారులు, వేద పండితులు స్వాగతం పలికారు. అక్కడ కుమారస్వామిని దర్శించుకుని పవన్‌ కల్యాణ్‌ ప్రత్యేక పూజలు నిర్వహించారు. ఆ తర్వాత వేద ఆశీర్వచనం పొందారు. పవన్ పర్యటనలో ఆయన కుమారుడు అకీరా నందన్, టీటీడీ బోర్డు సభ్యుడు ఆనంద్ సాయి ఉన్నారు. స్వామిమలైలో స్థానిక బీజేపీ నేతలు పవన్‌ను కలిశారు.