CID Affidavit on Mumbai Actress Case : ముంబై నటి వేధింపుల వ్యవహారంలో కీలక పరిణామం చోటు చేసుకుంది. ఈ కేసులో ఐపీఎస్ అధికారులు కాంతి రాణా తాతా, విశాల్ గున్నీకి ముందస్తు బెయిల్ ఇవ్వొద్దని హైకోర్టులో సీఐడీ అఫిడవిట్ దాఖలు చేసింది. ఇదే కేసులో కాంతిరాణా తాతా, విశాల్ గున్నీ, పోలీసులు, న్యాయవాది ముందస్తు బెయిల్ ఇవ్వాలని హైకోర్ట్లో పిటిషన్ దాఖలు చేసిన విషయం తెలిసిందే. చట్టాన్ని కాపాడాల్సిన అధికారులే అధికార దుర్వినియోగానికి పాల్పడ్డారని సీఐడీ అఫిడవిట్లో పేర్కొంది. ముంబై నటినీ అక్రమంగా అరెస్ట్ చేశారని సీఐడీ అఫిడవిట్లో స్పష్టం చేసింది.
నాటి ఇంటెలిజెన్స్ చీఫ్ ఆదేశాలు మేరకు ఇదంతా జరిగిందని తెలిపింది. ఇంటెలిజెన్స్ చీఫ్ చెప్పిన వెంటనే అప్పటి విజయవాడ సీపీ కాంతి రాణా ముంబైకి ఫ్లైట్ టిక్కెట్లు బుక్ చేశారని అఫిడివిట్లో వెల్లడించింది. వీళ్లకు బెయిల్ మంజూరు చేస్తే కేసు దర్యాప్తు పక్కదారి పట్టే అవకాశం ఉందని సీఐడీ అఫిడవిట్లో తెలిపింది. ముందస్తు బెయిల్ పిటిషన్లపై సోమవారం విచారణ చేపడతామని హైకోర్టు వెల్లడించింది.
పోస్టింగులు, రాజకీయ ప్రాపకం కోసం - ముంబై నటిపై ఫోర్జరీ పత్రంతో కేసు - Mumbai Actress Case
పోలీసులకు బిగుస్తున్న ఉచ్చు - ముంబయి నటి వాంగ్మూలంలో కీలక విషయాలు - MUMBAI ACTRESS CASE
