BC People Comments in TDP BC Declaration: వెనుకబడిన వర్గాల వారికి 50 ఏళ్లకే పింఛను అమలు చేస్తామని తెలుగుదేశం, జనసేన ప్రకటించాయి. చంద్రన్న బీమా కింద 10 లక్షలు అందిస్తామని వెల్లడించాయి. మంగళగిరిలో జరిగిన జయహో బీసీ సభలో చంద్రబాబు, పవన్‌ కల్యాణ్‌ బీసీలకు ప్రత్యేక డిక్లరేషన్ ప్రకటించారు. స్వయం ఉపాధి కింద బీసీలకు పది వేల కోట్ల ఆర్థిక సాయం అందిస్తామని ఇరువురు నేతలు హామీ ఇచ్చారు.
జయహో బీసీ బహిరంగ సభ - "బీసీ"లకు భరోసాగా డిక్లరేషన్ ప్రకటన!
బీసీల రుణం తీర్చుకునే విధంగా చంద్రబాబు ప్రకటించిన డిక్లరేషన్ ప్రతి ఒక్క బీసీ సోదరుడు హర్షించ దగిన విషయం.-పడవల మహేశ్‌, చేనేత కుటుంబం
TDP Jayaho BC Meeting at Mangalagiri: మంగళగిరి నియోజకవర్గంలో మంగళవారం నిర్వహించిన 'జయహో బీసీ' సభలో తెలుగుదేశం అధ్యక్షుడు చంద్రబాబు, జనసేన అధినేత పవన్‌ కల్యాణ్‌ బీసీ డిక్లరేషన్ను విడుదల చేశారు. వెనుకబడిన తరగతుల ఆర్థిక, రాజకీయ, సామాజిక అభ్యున్నతి, సాధికారతే లక్ష్యంగా మొత్తం పది ప్రధాన అంశాలతో ప్రత్యేక డిక్లరేషన్ ప్రకటించారు. తమ ప్రభుత్వం ఏర్పడ్డాక బీసీల రక్షణకు ప్రత్యేక చట్టం చేస్తామని పది నెలల క్రితమే ప్రకటించిన తెలుగుదేశం దాన్ని డిక్లరేషన్లో చేర్చింది. జగన్ పాలనలో 300 మందికి పైగా బీసీలు దారుణ హత్యకు గురయ్యారని, దాడులు, దౌర్జన్యాల నుంచి బీసీలకు రక్షణ కల్పించేందుకు ప్రత్యేక చట్టం తీసుకొస్తామని ఇరు పార్టీల అధినేతలు తెలిపారు. సామాజిక న్యాయ పరిశీలన కమిటీ ఏర్పాటు చేసి హక్కులు కాపాడతామని వెల్లడించారు.
ఆదరణ పథకాలు, ఈ కళ్యాణమస్తు కార్యక్రమాలు చేపడతామన్నారు. ఈ సారి మేము బలంగా నమ్ముతున్నాం. బీసీ సోదరులు అందరు ఈ ఒక్కసారి తెలుగుదేశం పార్టీకి ఓటు వేసి గెలిపించాలనుకుంటున్నాం.- మల్లిఖార్జున్‌, రజక సామాజిక వర్గం
జగన్కు బీసీలంటే చిన్నచూపు - అపాయింట్మెంటే ఇవ్వరు: నారా లోకేశ్
బీసీలకు 50 ఏళ్లకే పింఛను అమలు చేస్తామని తెలుగుదేశం, జనసేన ప్రకటించాయి. పింఛను మొత్తాన్ని 4 వేలకు పెంచుతామని తెలిపాయి. చంద్రన్న బీమా పునరుద్ధరిస్తామని, బీమా పరిహారాన్ని 10 లక్షలకు పెంచుతామని హామీ ఇచ్చాయి. చంద్రన్న పెళ్లి కానుక పునరుద్ధరించి లక్ష చొప్పున అందజేస్తామని తెలిపాయి. బీసీ ఉప ప్రణాళిక ద్వారా వారి అభివృద్ధికి ఏటా 30 వేల కోట్ల చొప్పున ఐదు సంవత్సరాలలో లక్షా 50 వేల కోట్ల ఖర్చు చేస్తామని వెల్లడించాయి. వైసీపీ ప్రభుత్వం 75 వేల కోట్ల సబ్‌ప్లాన్‌ నిధులు దారి మళ్లించిందని ఆరోపించాయి. తమ ప్రభుత్వం ఏర్పడ్డాక బీసీ సబ్‌ప్లాన్‌ నిధులను వారి కోసమే వినియోగించేలా చట్టపరమైన చర్యలు తీసుకుంటామని ప్రకటించాయి.
అధికారంలోకి వచ్చిన ఐదు సంవత్సరాలలో సీఎం జగన్ 10శాతం రిజర్వేషన్స్ తగ్గించారు. దాదాపు 16,800 బీసీల పోస్టులను తొలగించి రాజకీయంగా బీసీలను అణగదొక్కినవి ఉన్నాయి. బీసీ సబ్ప్లాన్స్ వంటివి ఎన్నో బీసీ డిక్లరేషన్లో పొందుపరిచారు. ఇవి రాబోయే రోజుల్లో బీసీలకు ఎంతో ఉపయోగపడి రాజకీయంగా ఎదుగుదల ఉంటుంది. - శ్రీనివాస్, గౌడ సామాజిక వర్గం
బీసీల దశ, దిశ మార్చడం కోసమే 'బీసీ డిక్లరేషన్': చంద్రబాబు
వైసీపీ ప్రభుత్వం రిజర్వేషన్లను 24 శాతానికి తగ్గించడం వల్ల 16,800 మంది బీసీలు పదవులకు దూరమయ్యారని అన్నారు. స్థానిక సంస్థల్లో బీసీలకు 34 శాతం రిజర్వేషన్ల పునరుద్ధరిస్తమని వెల్లడించారు. చట్ట సభల్లో బీసీలకు 33శాతం రిజర్వేషన్‌ కోసం కేంద్ర ప్రభుత్వానికి తీర్మానం చేస్తామని తెలిపాయి. నామినేటెడ్‌ పదవుల్లో బీసీలకు 34 శాతం రిజర్వేషన్‌ కల్పిస్తామని ఇరుపార్టీలు హామీ ఇచ్చాయి.
బీసీల జీవితాల్లో వెలుగు నింపబోతున్న ఈ డిక్లరేషన్ చాల అద్భుతంగా ఉంది. పింఛను వయసును 50 సంవత్సరాలకు తగ్గిస్తామనటం చాలా గొప్ప విషయం. 3వేల రూపాయల పింఛను 4వేల చేస్తామనటం చాలా సంతోషకరమైన విషయం
జనాభా తక్కువగా ఉండి, ఎన్నికల్లో పోటీ చేసే అవకాశం రాని బీసీ వర్గాల వారికి కో-ఆప్షన్‌ సభ్యులుగా అవకాశం కల్పిస్తామని ప్రకటించాయి. బీసీల ఆర్థికాభివృద్ధి, ఉపాధికి ప్రోత్సాహకాల పునరుద్ధరిస్తామని స్వయం ఉపాధి కల్పనకు ఐదు సంవత్సరాలలో 10 వేల కోట్లు ఇస్తామని తెలిపాయి. జనాభా ప్రాతిపదికన కార్పొరేషన్ల ఏర్పాటు చేసి దామాషా ప్రకారం నిధుల కేటాయిస్తామని వెల్లడించాయి. ఆదరణ పథకం పునరుద్ధరించి 5 వేల కోట్లతో పరికరాల పంపిణీ చేస్తామని ప్రకటించాయి. జగన్ రద్దు చేసిన పారిశ్రామిక ప్రోత్సాహకాలను పునరుద్ధరించి మండల, నియోజకవర్గ కేంద్రాల్లో ఉమ్మడి వర్క్‌షెడ్లు, ఫెసిలిటేషన్‌ కేంద్రాల ఏర్పాటు చేస్తామని హామీ ఇచ్చాయి.
బీసీలకు 50 సంవత్సరాలకే పెన్షన్ - 10 అంశాలతో టీడీపీ-జనసేన 'బీసీ డిక్లరేషన్'
బీసీలకు అండ దండ టీడీపీ, జనసేన జెండా - బలహీనవర్గాల సమగ్రాభివృద్ధే ధ్యేయంగా 'డిక్లరేషన్'
